ചേരുവകള്‍

ഉരുളക്കിഴങ്ങ്- 250 ഗ്രാം

തേങ്ങ- അര മുറി

മുളകുപൊടി- 1 ടീസ്പൂണ്‍

മഞ്ഞള്‍പൊടി- അര ടീസ്പൂണ്‍

വെളുത്തുള്ളി- 2 അല്ലി

ജീരകം- 1 നുള്ള്

സവാള- 1

വെളിച്ചെണ്ണ- 2 ടേബിള്‍സ്പൂണ്‍

കടുക്- 1 ടീസ്പൂണ്‍

കറിവേപ്പില- 2 കതിര്‍പ്പ്

ഉപ്പ്- പാകത്തിന്

പാകം ചെയ്യുന്ന വിധം

ഉരുളക്കിഴങ്ങും സവാളയും തൊലികളഞ്ഞ് കഴുകി ചെറുതായരിയുക.തേങ്ങ,മുളകുപൊടി,മഞ്ഞള്‍പൊടി,വെളുത്തുള്ളി,ജീരകം എന്നിവ ചതച്ചെടുക്കുക.എണ്ണ ചൂടാകുമ്പോള്‍ കടുകിട്ട് പൊട്ടിച്ച് കരിവേപ്പിലയുമിടുക.ഇതില്‍ ഉരുളക്കിഴങ്ങും സവാളയും ഇട്ടതിനു ശേഷം ഉപ്പും വെള്ളവും ചേര്‍ത്തിളക്കുക.നടുക്ക് തേങ്ങാക്കൂട്ടും വെച്ച് മൂടിവെച്ച് വേവിക്കുക.വെന്തുകഴിഞ്ഞാലുടന്‍ കുഴഞ്ഞു പോകാതെ ഉലര്‍ത്തിയെടുക്കുക.