1990-ല്‍ ഒരു ലക്ഷം സ്ത്രീകളില്‍ 13 പേര്‍ക്ക് മാത്രമായിരുന്നു ബ്രെസ്റ്റ് കാന്‍സര്‍. 2023-ഓടെ 29.4 ആയി ഉയര്‍ന്നു. പരമ്പരാഗതമായി 50 വയസ്സിന് മുകളിലുള്ള സ്ത്രീകളിലാണ് സ്തനാര്‍ബുദം കണ്ടുവന്നിരുന്നത്. എന്നാല്‍, ഇപ്പോള്‍ 30-കളിലും 40-കളിലുമുള്ള സ്ത്രീകളില്‍ രോഗം കണ്ടുപിടിക്കപ്പെടുന്ന നിരക്ക് വര്‍ധിക്കുന്നു. ഇന്ത്യയിലെ സ്തനാര്‍ബുദ ബാധിതരില്‍ ഒരു വലിയ ശതമാനം പേരും 25-50 വയസ്സിനിടയിലുള്ളവരാണ്. യുവാക്കളില്‍ കാണപ്പെടുന്ന സ്തനാര്‍ബുദം പലപ്പോഴും കൂടുതല്‍ ആക്രമണകാരിയും നേരത്തെ കണ്ടെത്താന്‍ പ്രയാസകരവുമാകാം. 'ദ ലാന്‍സെറ്റ് ഓങ്കോളജി' പുറത്തുവിട്ട ഏറ്റവും പുതിയ കണക്കുകളാണ് ഇതെല്ലാം വ്യക്തമാക്കുന്നത്.