ആരോഗ്യനിലയില് പുരോഗതി നേടി സിനിമാ തിരക്കുകളിലേക്ക് മടങ്ങിയിരിക്കുകയാണ് നടന് കോട്ടയം നസീര്. ആശുപത്രിവാസം കഴിഞ്ഞതായും പുതിയ സിനിമയില് ജോയിന് ചെയ്തതായും താരം അറിയിച്ചു. കഴിഞ്ഞാഴ്ചയായിരുന്നു നെഞ്ചുവേദനയെ തുടര്ന്ന് കോട്ടയം നസീറിനെ ആശുപത്രിയില് പ്രവേശിപ്പിച്ചത്.
ചികിത്സിച്ച ഡോക്ടര്മാര്ക്കും നഴ്സുമാര്ക്കും പ്രാര്ത്ഥിച്ചവര്ക്കും നസീര് നന്ദി അറിയിച്ചു. നെഞ്ചുവേദനയെ തുടര്ന്ന് ആന്ജിയോഗ്രാം പരിശോധനയ്ക്ക് വിധേയനാക്കിയതിനു ശേഷം ആന്ജിയോപ്ലാസ്റ്റി ചെയ്തിരുന്നു. ആരോഗ്യം മെച്ചപ്പെട്ടതായി താരം തന്നെയാണ് സമൂഹമാധ്യമങ്ങളില് പങ്കുവെച്ചത്.
''ആശുപത്രിവാസം കഴിഞ്ഞ് ഇന്ന് പുതിയ സിനിമയില് ജോയിന് ചെയ്തു...എന്നെ ചികില്സിച്ച കാരിതാസ് ഹോസ്പിറ്റലിലെ ഡോക്ടര്മാര്ക്കും... പരിചരിച്ച നഴ്സുമാര്ക്കും എന്റെ അസുഖ വിവരം ഫോണില് വിളിച്ചു അന്വേഷിക്കുകയും..... വന്നു കാണുകയും..... എനിക്ക് വേണ്ടി പ്രാര്ത്ഥിക്കുകയും ചെയ്ത എല്ലാവര്ക്കും എന്റെ ഹൃദയം നിറഞ്ഞ നന്ദി'' കോട്ടയം നസീര് ഇന്സ്റ്റാഗ്രാമില് കുറിച്ചു. |