|
പ്രേക്ഷകര്‍ കാത്തിരുന്ന ഫഹദ് ഫാസില്‍ ചിത്രം തീയേറ്ററുകളില്‍ എത്തുന്നു. അഖില്‍ സത്യന്‍ കഥയും സംവിധാനവും നിര്‍വഹിച്ച പാച്ചുവും അത്ഭുതവിളക്കും ഏപ്രില്‍ 28 ന് റിലീസ് ചെയ്യും.
ഫഹദ് ഫാസിലിന് പുറമെ വിജി വെങ്കടേഷ്, അഞ്ജന ജയപ്രകാശ്, ധ്വനി രാജേശ്, മുകേഷ്, ഇന്നസെന്റ്, വിനീത്, ഇന്ദ്രന്‍സ്, അല്‍ത്താഫ് സലിം, മോഹന്‍ അകാശെ, പിയൂഷ് കുമാര്‍, അഭിരാം രാധാകൃഷ്ണന്‍ എന്നിവരും ചിത്രത്തില്‍ വേഷമിടുന്നുണ്ട്.
സേതു മണ്ണാര്‍കാട് നിര്‍മിച്ച ചിത്രത്തിലെ സംഗീതം ചിട്ടപ്പെടുത്തിയിരിക്കുന്നത് ജസ്റ്റിന്‍ പ്രഭാകരനാണ്. രാജ് ശേഖറും മനു മഞ്ജിത്തും ചേര്‍ന്നാണ് വരികള്‍ രചിച്ചിരിക്കുന്നത്. |
