ബിജെപിയുടെ യുവം പരിപാടിയില് പങ്കെടുക്കാനെത്തി അപര്ണാ ബാലമുരളി. പ്രധാനമന്ത്രിയോടൊപ്പം വേദി പങ്കിടാന് അവസരം ലഭിച്ചതില് സന്തോഷമുണ്ടെന്ന് അപര്ണാ ബാലമുരളി പറഞ്ഞു.
'നാളെയുടെ ഭാവി എന്ന കോണ്സപ്റ്റാണ് ഇത്. പ്രധാനമന്ത്രിയുടെ കൂടെ വേദി പങ്കിടാന് സാധിച്ചതില് സന്തോഷമുണ്ട്. ഇതുപോലൊരു യൂത്ത് കോണ്ക്ലേവ് പ്രോത്സാഹിപ്പിക്കുന്നതിലും സന്തോഷമുണ്ട്. ഇത് വളരെ അത്യാവശ്യമുള്ള കാര്യമാണ്'- അപര്ണാ ബാലമുരളി പറഞ്ഞു. അപര്ണാ ബാലമുരളിക്ക് പുറമെ ഗായകന് വിജയ് യേശുദാസ്, നടന് ഉണ്ണി മുകുന്ദന്, നവ്യാ നായര്, സ്റ്റീഫന് ദേവസി എന്നിവരും പരിപാടിയില് പങ്കെടുത്തു.
സുരക്ഷാ ഭീഷണി ഉണ്ടാകുമെന്ന ഇന്റലിജന്സ് റിപ്പോര്ട്ടിന്റെ അടിസ്ഥാനത്തില് കൊച്ചിയില് പഴുതടച്ച ക്രമീകരണങ്ങളാണ് ഒരുക്കിയിരിക്കുന്നത്. പ്രധാനമന്ത്രിയുടെ സന്ദര്ശനവുമായി ബന്ധപ്പെട്ട് ഉച്ചയ്ക്ക് രണ്ടുമണി മുതല് രാത്രി 8 വരെ ഗതാഗത നിയന്ത്രണവും ഏര്പ്പെടുത്തിയിട്ടുണ്ട്. |