ദി കേരള സ്റ്റോറി സിനിമ ബംഗാളില്‍ നിരോധിക്കുമെന്ന് മുഖ്യമന്ത്രി മമതാ ബാനര്‍ജി. 'കേരള സ്റ്റോറി' വളച്ചൊടിക്കപ്പെട്ട കഥയാണെന്നന്നും സംസ്ഥാനത്തെ സമാധാനാന്തരീക്ഷം നിലനിര്‍ത്താനാണ് നിരോധനമെന്നും മമത പറഞ്ഞു. അതേസമയം, നിരോധനത്തിനെതിരെ കേന്ദ്ര വാര്‍ത്താ വിതരണ മന്ത്രി അനുരാഗ് ഠാക്കൂര്‍ രംഗത്തെത്തി. നിരോധനം കടുത്ത അനീതിയാണെന്നും പ്രതിപക്ഷത്തിന്റേത് പ്രീണന വോട്ടുബാങ്ക് രാഷ്ട്രീയമെന്നും മന്ത്രി കുറ്റപ്പെടുത്തി. നിരോധനത്തിനെതിരെ നിയമനടപടി സ്വീകരിക്കുമെന്ന് നിര്‍മാതാക്കള്‍ പ്രതികരിച്ചു.