ഓരോ നിമിഷവും ഭയം നിറയ്ക്കുന്ന ദൃശ്യങ്ങളും ശബ്ദ വിന്യാസവുമായി 'വടക്കന്' സിനിമയുടെ ട്രെയ്ലര് പുറത്ത്. വിവിധ അന്താരാഷ്ട്ര ചലച്ചിത്ര മേളകളില് പ്രദര്ശിപ്പിക്കുകയും, ശ്രദ്ധിക്കപ്പെടുകയും ചെയ്ത മലയാളം സൂപ്പര് നാച്ചുറല് ഹൊറര് ത്രില്ലറായ 'വടക്കന്' മാര്ച്ച് ഏഴിനാണ് തിയേറ്ററുകളില് എത്താനിരിക്കുന്നത്. ഒരു ദ്വീപില് നടക്കുന്ന ഭീതി വിതയ്ക്കുന്ന സംഭവങ്ങളും അതിന് പിന്നിലെ കാരണങ്ങളുമൊക്കെയാണ് ചിത്രം ചര്ച്ചചെയ്യുന്നത് എന്നാണ് ട്രെയ്ലറില് നിന്ന് മനസ്സിലാക്കാനാകുന്നത്. കേരളത്തിലെ മനോഹരമായ ലൊക്കേഷനുകളായ കുട്ടിക്കാനം, വാഗമണ്, കൊച്ചി എന്നിവിടങ്ങളിലായാണ് സിനിമയുടെ ചിത്രീകരണം നടന്നത്.
