ലണ്ടന്‍: മുമ്പ് രേഖപ്പെടുത്തിയതിന്റെ ഇരട്ടി വേഗത്തില്‍ യുകെയിലേക്കുള്ള കുടിയേറ്റം. കഴിഞ്ഞ വര്‍ഷം ഏകദേശം പത്തുലക്ഷം പേരാണ് യുകെയിലേക്ക് കുടിയേറിയത് എന്നാണ് പുറത്തു വന്ന കണക്കുകള്‍ സൂചിപ്പിക്കുന്നത്. 6,50,000 മുതല്‍ 9,97,000 വരെ കുടിയേറ്റക്കാര്‍ 2022 ല്‍ യുകെയിലേക്ക് എത്തിയിട്ടുണ്ടെന്നാണ് പഠനം വ്യക്തമാക്കുന്നത്. ഇതിനുമുമ്പ് രേഖപ്പെടുത്തിയ 5,04,000 എന്ന ഏറ്റവും ഉയര്‍ന്ന നിരക്കിനെ മറി കടന്നാണ് പുതിയ റെക്കോര്‍ഡുകള്‍. 2021 ജൂണ്‍ മുതല്‍ 2022 വരെയുള്ള കണക്കാണ് പുറത്തു വന്നിട്ടുള്ളത്. യുക്രെയ്ന്‍ അഭയാര്‍ഥികളെ കൂടാതെ വിദ്യാര്‍ഥികളും എന്‍എച്ച്എസ് ജീവനക്കാരും എത്തിച്ചേരുന്നതാണ് ഇതിന് കാരണമെന്നാണ് വിലയിരുത്തല്‍.

എന്നാല്‍ പ്രധാനമന്ത്രി ഋഷി

ലണ്ടന്‍: എഴുത്തുകാരി, ജീവകാരുണ്യപ്രവര്‍ത്തക എന്ന നിലയില്‍ പ്രശസ്തയായ വ്യക്തിയാണ് സുധാ മൂര്‍ത്തി. ഒപ്പം ബ്രിട്ടീഷ് പ്രധാനമന്ത്രി ഋഷി സുനകിന്റെ ഭാര്യാമാതാവ് കൂടിയാണ് സുധാ മൂര്‍ത്തി. എന്നാല്‍ താന്‍ ഋഷി സുനകിന്റെ അമ്മായിയമ്മയാണ് എന്ന കാര്യം പലര്‍ക്കും വിശ്വസിക്കാന്‍ പ്രയാസമാണ് എന്ന് സുധാ മൂര്‍ത്തി പറയുന്നു. അതിന് ഉദാഹരണമായി തനിക്ക് അടുത്തിടെയുണ്ടായ ഒരു അനുഭവവും അവര്‍ പങ്കുവെച്ചു. കപില്‍ ശര്‍മ്മ ഷോയുടെ ഈയടുത്ത് പുറത്തിറങ്ങിയ എപ്പിസോഡിലായിരുന്നു സുധാ മൂര്‍ത്തിയുടെ വെളിപ്പെടുത്തല്‍. തന്റെ ലളിതമായ വസ്ത്രവും രൂപവും കണ്ട് ഇതാണോ ബ്രിട്ടീഷ് പ്രധാനമന്ത്രിയുടെ അമ്മായിയമ്മ എന്ന് പലരും ചിന്തിച്ചിട്ടുണ്ടാകാമെന്നും സുധാ മൂര്‍ത്തി പറഞ്ഞു.

ലണ്ടന്‍: ലണ്ടനില്‍ നിന്നു കൊച്ചിയിലേക്കും തിരിച്ചും വിമാന സര്‍വീസുകള്‍ ആരംഭിക്കാന്‍ ബ്രിട്ടിഷ് എയര്‍വേയ്‌സ് തയാറാകുന്നുവെന്ന സൂചനകള്‍ പുറത്തു വന്നു. ഇതിനുള്ള സാധ്യതകള്‍ ബ്രിട്ടിഷ് എയര്‍വേയ്സ് തയാറാക്കുന്നുണ്ടെന്ന് ഉന്നത വൃത്തങ്ങള്‍ അറിയിച്ചു. ബ്രിട്ടിഷ് എയര്‍വേയ്സിലെ ഉദ്യോഗസ്ഥര്‍ കൊച്ചിയിലെത്തി നിരവധി തവണ ചര്‍ച്ചകള്‍ നടത്തിയതായി സ്ഥിരീകരിക്കപ്പെട്ടിട്ടുണ്ട്. നിലവില്‍ ലണ്ടന്‍ ഗാറ്റ്വിക്കില്‍ നിന്ന് കൊച്ചിയിലേക്കും തിരിച്ചും എയര്‍ ഇന്ത്യ മാത്രമാണ് നേരിട്ട് സര്‍വീസ് നടത്തുന്നത്. ലണ്ടനില്‍ നിന്നു കൊച്ചിയിലേക്ക് നേരിട്ട് സര്‍വീസ് നടത്തുന്ന മറ്റു വിമാനക്കമ്പനികള്‍ ഇല്ലാത്തതിനാല്‍ ആഴ്ചയില്‍ മൂന്നു തവണ സര്‍വീസ് നടത്തുന്ന നേരിട്ടുള്ള

ലണ്ടന്‍: ലണ്ടന് പുറത്ത് പുതുതായി പണി കഴിപ്പിച്ച പ്രോപ്പര്‍ട്ടിക്കുള്ള വാടക 1000 പൗണ്ട് കവിഞ്ഞുവെന്ന് റിപ്പോര്‍ട്ട്. ഇതാദ്യമായിട്ടാണ് ഇവിടെ ഇത്രയും വാടക വര്‍ധനവുണ്ടായിരിക്കുന്നതെന്നും ഹാപ്ടണ്‍സില്‍ നിന്നുള്ള പുതിയ ഡാറ്റ വെളിപ്പെടുത്തുന്നു. ഇത് പ്രകാരം ഇത്തരം വീടുകള്‍ക്കുള്ള ശരാശരി വാടക കഴിഞ്ഞ വര്‍ഷത്തെ ഏപ്രിലുമായി താരതമ്യപ്പെടുത്തുമ്പോള്‍ ഈ വര്‍ഷം 7.8 ശതമാനം വര്‍ധനവുണ്ടായി 1002 പൗണ്ടായിത്തീര്‍ന്നുവെന്നാണ് റിപ്പോര്‍ട്ട്. ഇത്തരം വീടുകള്‍ക്ക് ലണ്ടന് പുറത്തുള്ള പത്ത് റീജിയണുകളില്‍ മൂന്നെണ്ണത്തിലും പ്രതിമാസ വാടക 1000 പൗണ്ട് കവിഞ്ഞിരിക്കുന്നുവെന്നാണ് പുതിയ ഡാറ്റ വെളിപ്പെടുത്തുന്നത്. ഈസ്റ്റ് ഓഫ് ഇംഗ്ലണ്ട്, സൗത്ത് വെസ്റ്റ്, സൗത്ത് ഈസ്റ്റ് എന്നിവിടങ്ങളിലാണ്

ലണ്ടന്‍: ബ്രിട്ടനില്‍ ഭക്ഷ്യവസ്തുക്കളുടെ വില പരിധിവിട്ട് നാള്‍ക്ക് നാളെന്നോണം വര്‍ധിക്കുന്ന സാഹചര്യത്തില്‍ പ്രധാനമന്ത്രി ഋഷി സുനക് ഫുഡ് ഇന്റസ്ട്രി ലീഡര്‍മാരുമായി നിര്‍ണായക ചര്‍ച്ചകള്‍ നടത്തുമെന്ന് റിപ്പോര്‍ട്ട്. വര്‍ധിച്ച് വരുന്ന വില സ്ഥാപനങ്ങളെയും കുടുംബങ്ങളെയും കടുത്ത പ്രതിസന്ധിയിലാക്കിയ സാഹചര്യത്തിലാണീ ചര്‍ച്ച. ഭക്ഷ്യോല്‍പന്നങ്ങളുടെ ഉല്‍പാദനവും വില്‍പനയും എത്തരത്തില്‍ മെച്ചപ്പെടുത്താമെന്നും ഉല്‍പാദനം വര്‍ധിപ്പിക്കാമെന്നും ഈ കൂടിക്കാഴ്ചയില്‍ ചര്‍ച്ച ചെയ്യും. റഷ്യ ഉക്രയിനിലേക്ക് അധിനിവേശം നടത്തിയതിനെ തുടര്‍ന്ന് പ്രവര്‍ത്തന ചെലവുകള്‍ വാണം പോലെ കുതിക്കുന്നതിനാല്‍ കര്‍ഷകരും ബിസിനസുകളും വന്‍ പ്രതിസന്ധിയിലാവുകയും അവര്‍ വില

ലണ്ടന്‍: ബ്രിട്ടനിലെ നിരവധി പുരുഷന്‍മാര്‍ കുടിയേറ്റക്കാരായ സ്ത്രീകളുടെ കുട്ടികളുടെ അച്ഛന്‍മാര്‍ ചമഞ്ഞ് ആയിരക്കണക്കിന് പൗണ്ടുകള്‍ പ്രതിഫലമായി കൈപ്പറ്റുന്ന തട്ടിപ്പ് നിര്‍ബാധം അരങ്ങേറുന്നുവെന്ന് ബിബിസി നടത്തിയ അന്വേഷണത്തിലൂടെ വെളിപ്പെട്ടിരിക്കുന്നത്. ഇത് പ്രകാരം തങ്ങളുടെ കുട്ടികളുടെ പിതൃത്വം ഏറ്റെടുത്ത് ബെര്‍ത്ത് സര്‍ട്ടിഫിക്കറ്റുകളില്‍ പേര് ചേര്‍ക്കുന്നതിനായി ചില ബ്രിട്ടീഷ് പുരുഷന്‍മാര്‍ക്ക് 10,000 പൗണ്ട് വരെ കുടിയേറ്റക്കാരായ സ്ത്രീകള്‍ വാഗ്ദാനം ചെയ്യുന്നുണ്ടെന്നാണ് കണ്ടെത്തിയിരിക്കുന്നത്. ഇത്തരത്തില്‍ ബ്രിട്ടീഷുകാരെ പിതൃസ്ഥാനത്ത് ലഭിക്കുന്നതിലൂടെ കുട്ടികള്‍ക്ക് യുകെ പൗരത്വവും അമ്മമാര്‍ക്ക് റെസിഡന്‍സി റൂട്ടുമാണ് തരപ്പെടുന്നത്. ഇത്തരം