ലണ്ടന്‍: ബ്രിട്ടനിലേക്കു കുടിയേറുന്നതിനുള്ള ടയര്‍ 2 (ഇന്‍ട്രാ കമ്പനി ട്രാന്‍സ്ഫര്‍), ടയര്‍ 2 ജനറല്‍ വിസ കാറ്റഗറികളില്‍ വരുത്തിയ മാറ്റം പ്രാബല്യത്തിലായി. വര്‍ഷത്തില്‍ 180 ദിവസം വിദേശ യാത്ര നടത്തിയാലും സ്ഥിര താമസത്തിന് അപേക്ഷ നല്‍കുന്നതിനു തടസമുണ്ടാകാത്ത രീതിയിലുള്ള മാറ്റം കുടിയേറ്റക്കാര്‍ക്കു ഗുണകരമെന്നു വിലയിരുത്തല്‍.
ടയര്‍ 2 വിസയില്‍ ജോലി ചെയ്തിരുന്നവര്‍ വീണ്ടും ഇതേ വിസയ്ക്ക് അപേക്ഷിക്കുമ്പോഴുള്ള മാനദണ്ഡങ്ങളിലും മാറ്റം വരുത്തിയിട്ടുണ്ട്. മുന്‍പ്, ടയര്‍ 2 വിസ കാലാവധി കഴിഞ്ഞാല്‍ രാജ്യം വിടണമെന്നും, വിസ കാലാവധി കഴിഞ്ഞ് ഒരു വര്‍ഷമാകാതെ വീണ്ടും അപേക്ഷിക്കാന്‍ കഴിയില്ലെന്നുമായിരുന്നു നിബന്ധന. ഇതിനു പകരം, രാജ്യം വിടുന്ന ദിവസം മുതലായിരിക്കും ഒരു വര്‍ഷം കണക്കാക്കുക. വിസ കാലാവധിക്കു മുന്‍പേ രാജ്യം വിട്ടവര്‍ക്ക് ഇതു ഗുണകരമാകും.
