വാഷിംഗ്ടണ്‍: എച്ച്~1ബി, എല്‍~1വീസ നിരക്കുകള്‍ യുഎസ് സര്‍ക്കാര്‍ വര്‍ധിപ്പിച്ചു. ഇന്ത്യന്‍ ഐടി കമ്പനികള്‍ക്ക് ഇതു വന്‍ തിരിച്ചടിയാണ്.

ഡിസംബര്‍ 18നുശേഷം ചില കാറ്റഗറികളില്‍ എച്ച്~1ബി വീസയ്ക്ക് അപേക്ഷിച്ചവര്‍ അധികഫീസായി 4000യുഎസ് ഡോളര്‍കൂടി അടയ്ക്കണം. എല്‍~1 എ, എല്‍~1 ബി വീസ ആവശ്യമുള്ളവര്‍ അഡീഷണലായി 4500ഡോളര്‍ അടയ്ക്കണം.പ്രോസസിംഗ് ഫീ ഉള്‍പ്പെടെയുള്ള മറ്റ ഫീസുകള്‍ക്കു പുറമേയാണിത്. 2025 സെപ്റ്റംബര്‍ 30 വരെ പുതുക്കിയ നിരക്കുകള്‍ പ്രാബല്യത്തിലുണ്ടാവും.

വീസനിരക്കുകളിലെ വര്‍ധന മൂലം ഇന്ത്യന്‍ ഐടി മേഖലയ്ക്ക് പ്രതിവര്‍ഷം 40കോടി ഡോളറിന്റെ അധികച്ചെലവ് ഉണ്ടാവുമെന്നാണു കണക്കാക്കുന്നത്.