വീട്ടിലുണ്ടാക്കാനുള്ള ഗ്രില് ഉള്ള മൈക്രോവേവ് ഓവന് ഉണ്ടെങ്കില് മാത്രമേ തന്തൂരി ചിക്കന് വീട്ടിലുണ്ടാക്കാന് പറ്റുകയുള്ളൂ. യുകെയില് എല്ലാവരുടെയും വീട്ടില് അതുണ്ട് എന്നതിനാല് മറ്റൊരു ചോദ്യത്തിന് അവസരമില്ല. ഇനി ചേരുവകളെക്കുറിച്ച് പറയാം.
ചിക്കന് ലെഗ്സ് - 4 പീസ്
തൈര് - 100 ഗ്രാം
ഇഞ്ചിയും വെളുത്തുള്ളിയും - 2 ടേബിള്സ്പൂണ് (പേസ്റ്റ് ആക്കിയത്)
മുളകുപൊടി - 2 ടേബിള് സ്പൂണ്
ജീരകപ്പൊടി - അര ടേബിള് സ്പൂണ്
മല്ലിപ്പൊടി - അര ടേബിള് സ്പൂണ്
തന്തൂരി മസാല - 2 ടേബിള് സ്പൂണ്
ഗരം മസാല - 1 ടേബിള് സ്പൂണ്
ചെറുനാരങ്ങാനീര് - 2 ടേബിള്സ്പൂണ്
ഉപ്പ് - പാകത്തിന്
എണ്ണ - 2 ടേബിള് സ്പൂണ്
പാകം ചെയ്യുന്ന വിധം
തൈരില് എല്ലാ മസാലപ്പൊടികളും ചേര്ത്തിളക്കുക. ഇഞ്ചി, വെളുത്തുള്ളി പേസ്റ്റും ഉപ്പും ചെറുനാരങ്ങാനീരും ഇതിലേക്കു ചേര്ക്കണം. ഇതിലേക്ക് അര ടേബിള് സ്പൂണ് എണ്ണയും ചേര്ത്ത് നല്ലപോലെ ഇളക്കുക. ചിക്കന് കഷ്ണങ്ങള് വരയുക. മസാല നല്ലപോലെ തേച്ചു പിടിപ്പിച്ച് ഫ്രിഡ്ജില് വയ്ക്കണം. (ഫ്രീസറില് വയ്ക്കരുത്). തന്തൂരി ചിക്കന് ഉണ്ടാക്കാനായി മൈക്രോവേവ് അവന് 350 ഡിഗ്രിയില് ചൂടാക്കണം. ചിക്കന് കഷ്ണങ്ങളില് അല്പം എണ്ണ പുരട്ടുക. ഇത് മൈക്രോവേവ് പാചകത്തിന് ഉപയോഗിക്കുന്ന പാത്രത്തില് വച്ച് 1820 മിനിറ്റു നേരം ഗ്രില് ചെയ്യണം. ഇരു ഭാഗങ്ങളും ഇളം ബ്രൗണ് നിറമാകുന്നതു വരെ ഗ്രില് ചെയ്തെടുക്കാം. തന്തൂരി ചിക്കന് റെഡി. പുതിന ചട്നി കൂട്ടി സ്വാദോടെ കഴിയ്ക്കാം. |