വ്യത്യസ്ത രീതിയിലുള്ള ഡിസൈനുകള് കോണ് മൈലാഞ്ചി ഉപയോഗിച്ചിടാം. മൈലാഞ്ചികളിലും വ്യത്യസ്ത ഡിസൈനുകളുണ്ട്. ഭൂരിഭാഗം പെണ്കുട്ടികള്ക്കും അറേബ്യന് ഡിസൈനുകളോടാണ് താല്പര്യം. കാരണമെന്താണെന്നല്ലേ.
അതിനല്പ്പം സൗന്ദര്യം കൂടുതലാണ്. 20 രൂപ മുതല് 500 രൂപ വരെയുള്ള കോണ് മൈലാഞ്ചികള് വിപണിയിലുണ്ട്. ഈ മൈലാഞ്ചി ഡിസൈനുകളൊന്നു പരീക്ഷിച്ച് നോക്കൂ. നിങ്ങളുടെ മൊഞ്ചും കൂടട്ടെ.
വിവാഹവേദിയിലും ആഘോഷങ്ങള്ക്കും മാത്രം മൈലാഞ്ചി അണിഞ്ഞിരുന്നൊരു കാലമുണ്ടായിരുന്നു. ഇടയ്ക്ക് മൈലാഞ്ചി മൊഞ്ചൊന്ന് കുറഞ്ഞെങ്കിലും ഇപ്പോള് വീണ്ടും തിരിച്ചെത്തിയിട്ടുണ്ട്.
വീടുകളിലെ മൈലാഞ്ചിയില് തുടങ്ങി കോണ്മൈലാഞ്ചിയില് വരെയെത്തി നില്ക്കുന്നു ഈ മൈലാഞ്ചി വസന്തം.
വീടുകളില് വളര്ത്തിയിരുന്ന മൈലാഞ്ചിച്ചെടിയില് നിന്നും ഇലകള് പറിച്ചെടുത്ത് അരച്ച് മൈലാഞ്ചി അണിഞ്ഞിരുന്നവരായിരുന്നു പണ്ടുകാലത്തുള്ളവര്.
പെണ്പിള്ളേരുടെ മൊഞ്ചുകൂട്ടുന്ന മൈലാഞ്ചി, കൈകളിലെ ഈ ചിത്രപ്പണികളോടുള്ള പ്രിയം പെണ്കുട്ടികള്ക്ക് ഇന്നോ ഇന്നലെയോ തുടങ്ങിയതല്ല. വീട്ടില് അരച്ചിടുന്ന മൈലാഞ്ചി മുതല് കോണ് മൈലാഞ്ചിയില് വരെയെത്തി നില്ക്കുന്നു ഈ മൊഞ്ച്. |