റസ്റ്ററന്റില്‍ കിട്ടുന്ന അതേ സ്വാദോടെ നെയ്‌ച്ചോറ് വീട്ടിലുണ്ടാക്കാം. ചേരുവകള്‍ അറിയുന്നതിനൊപ്പം വേവിന്റെ അളവു കൂടി മനസ്സിലാക്കണം. ഇതു രണ്ടും മനസ്സിലാക്കിയാല്‍ സ്വയമ്പന്‍ നെയ്‌ച്ചോറ് വീട്ടില്‍ തയാറാക്കാം.

ചേരുവകള്‍ ഇങ്ങനെ:

ബസ്മതി റൈസ് - 3 കപ്പ്
ചൂട് വെള്ളം - 6 കപ്പ്
നെയ്യ് - 2 സ്പൂണ്‍
നാരങ്ങ - ഒരെണ്ണം
സവോള അരിഞ്ഞത് - 1
പട്ട , ഗ്രാമ്പു , ഏലക്ക , കുരുമുളക് - പാകത്തിന്
ഇഞ്ചി വെളുത്തുള്ളി പേസ്റ്റ് - അര ടീ സ്പൂണ്‍
കാരറ്റ് - അര കപ്പ് (അരിഞ്ഞത്)
നട്‌സ് , കിസ്സ്മിസ് - ആവശ്യത്തിന്
മല്ലിയില - ആവശ്യത്തിന്

ഉപ്പ് - ആവശ്യത്തിന്


തയാറാക്കുന്ന വിധം

പാനില്‍ നെയ്യൊഴിച്ച് ചൂടാവുമ്പോള്‍ പട്ട , ഗ്രാമ്പു , ഏലക്ക , കുരുമുളക് ,സവോള , ഇഞ്ചി വെളുത്തുള്ളി പേസ്റ്റ് , കാരറ്റ് ഇത്രേം ചേര്‍ത്ത് വഴറ്റിയ ശേഷം അരി ചേര്‍ത്ത് 5 മിനിറ്റ് വഴറ്റുക .ചൂട് വെള്ളം , നാരങ്ങ നീര് , ഉപ്പു ചേര്‍ത്ത് ചെറിയ തീയില്‍ അടച്ചു വെച്ച് വേവിക്കുക .ഇടയ്ക്കു പൊടിഞ്ഞു പോകാതെ ഇളക്കി കൊടുക്കണം .മല്ലിയില ചേര്‍ക്കുക .വെള്ളം നന്നായി വറ്റിയതിനു ശേഷം തീ ഓഫ് ചെയ്യാം. നട്‌സ്, കിസ്സ്മിസ് , സവോള വറുത്തത് എന്നിവ ഇട്ട ശേഷം പാത്രത്തിലേക്ക് കോരിയെടുത്ത് ചൂടോടെ കഴിക്കാം.