ഷാര്ജയിലെ ഷേക്കുമാരുടെ പ്രിയപ്പെട്ട പാനീയമാണേ്രത ഷാര്ജ ഷേക്ക്. ദുബായ് രാജാവിനെ പോലെ സുന്ദരമായ വിഭവമെന്നും ഷാര്ജ ഷേക്കിനെ വിശേഷിപ്പിക്കാറുണ്ട്. എന്തായാലും മധുരമുള്ള പാനീയം ശരീരത്തിനും മനസ്സിനും കുളിരു പകരുന്നു. നിമിഷ നേരത്തിനുള്ളില് തയാറാക്കാവുന്ന പാനീയമാണ് ഷാര്ജ ഷേക്ക്.
ചേരുവ:
പാല് - അര ലിറ്റര് (ഫ്രീസറില് തണുത്ത് ഉറച്ചത്)
ചെറുപഴം - മൂന്നെണ്ണം (മധുരമുള്ളത്)
ബോണ്വിറ്റ അല്ലെങ്കില് ഹോര്ലിക്സ് - 3 സ്പൂണ്
പഞ്ചസാര - ഒരു സ്പൂണ്
അണ്ടിപരിപ്പ് - പത്തെണ്ണം
ബദാം - പത്തെണ്ണം
പിസ്താ - പത്തെണ്ണം
തയ്യാറാക്കുന്ന വിധം :
തണുത്ത് ഐസിന്റെ കട്ട പോലെ ആയ പാല് കനമുള്ള വടികൊണ്ട് അടിച്ച് ഉടയ്ക്കുക. ഇതിലേക്ക് ചെറുതായി അരിഞ്ഞ പഴം ഇടുക. ഹോര്ലിക്സ്, അണ്ടിപരിപ്പ്, ബദാം, പിസ്ത എന്നിവയും പഞ്ചസാരയും ചേര്ത്ത് മിക്സിയില് ഇട്ട് നന്നായി അടിച്ചെടുക്കുക. |