|
ഭാരോദ്വഹനത്തില്‍ വെള്ളിമെഡല്‍ നേട്ടത്തിനിടെ മീരാബായിയുടെ കാതില്‍ തിളങ്ങിയ 'ഒളിംപിക്' കമ്മലിന് ഒരു അമ്മയുടെ ത്യാഗത്തിന്റെ കഥ പറയാനുണ്ട്. ഒളിംപിക് വളയങ്ങളുടെ മാതൃകയിലുള്ള സ്വര്‍ണക്കമ്മല്‍ അമ്മ ഓങ്ബി ടോംബി ലെയ്മ 5 വര്‍ഷം മുന്‍പ് മീരയ്ക്കു സമ്മാനിച്ചതാണ്. തന്റെ സ്വര്‍ണമല്ലാം വിറ്റു ലഭിച്ച പണം കൊണ്ടാണ് ടോംബി ഈ കമ്മല്‍ വാങ്ങി മകള്‍ക്കു നല്‍കിയത്.
വിജയത്തിന്റെ വക്കില്‍നിന്ന് തോല്‍വിയിലേക്ക്; നിരാശപ്പെടുത്തി സാനിയ സഖ്യം പുറത്ത് റിയോ ഒളിംപിക്‌സിനായി യാത്ര തിരിക്കും മുന്‍പാണ് അമ്മ മീരയുടെ കാതില്‍ കമ്മല്‍ അണിയിച്ചത്. 'ഒളിംപിക്‌സ്' കമ്മല്‍ മകള്‍ക്കു ഭാഗ്യം കൊണ്ടുവരുമെന്ന അമ്മയുടെ വിശ്വാസം കഴിഞ്ഞ തവണ തെറ്റി. പക്ഷേ കൃത്യം 5 വര്‍ഷത്തിനിപ്പുറം അതേ കമ്മലണിഞ്ഞു മീരാബായ് അമ്മയുടെ പ്രതീക്ഷ കാത്തു. അമ്മയുടെ സ്വര്‍ണ ത്യാഗത്തിനുള്ള പ്രതിഫലമായി മകളുടെ വെള്ളി സമര്‍പ്പണം! |
