സ്വാമി വിവേകാനന്ദ നഴ്സിംഗ് സ്കൂളിന്റെ 1996-1999 ബാച്ചില് നഴ്സിംഗ് പഠിച്ചിറങ്ങിയ സഹപാഠികള് നവംബര് 18 മുതല് നവംബര് 21 വരെ ഹാരോഗേറ്റില് സംഗമിക്കുന്നു. ലോകത്തിന്റെ വിവിധ ഭാഗങ്ങളില് ജോലി ചെയ്യുന്നതും വസിക്കുന്നവരുമായ സ്നേഹിതരാണ് സംഗമത്തിനായി ഹാരോഗേറ്റില് എത്തിച്ചേരുന്നത്. സംഗമത്തില് പ്രശസ്ത സിനിമാ താരം ഡേവിഡ് ജോണ് വിശിഷ്ടാതിഥിയായി പങ്കെടുക്കും.
ഇരുപതാമത് സംഗമമാണ് ഇത്തവണ നടക്കുന്നത്. 20 വര്ഷങ്ങളായിട്ടും വിവേകാനന്ദയില് കെട്ടിയിട്ട മനസ്സുമായി ലോകത്തിന്റെ വിവിധയിടങ്ങളില് താമസിക്കുന്ന ചങ്ങാതിമാരാണ് വീണ്ടും ഒത്തു കൂടുന്നത്. നഴ്സിംഗ് പഠനകാലത്തിന് ശേഷം വിവിധ രാജ്യങ്ങളായ കാനഡ, സ്വിറ്റ്സര്ലന്ഡ്, അയര്ലന്ഡ്, യുകെ എന്നിവിടങ്ങളില് ജോലി ചെയ്യുമ്പോഴും തങ്ങളുടെ സൗഹൃദം നിലനിര്ത്തിക്കൊണ്ടുപോവുകയാണ് ചെയ്യുന്നതെന്ന് സംഘാടകര് അറിയിച്ചു. അതിനാല് തന്നെ ഓരോ സംഗമത്തിനും ഒരുമിച്ച് ചേരാന് എല്ലാവരും പരമാവധി ശ്രമിക്കാറുണ്ട്. മൂന്ന് ദിവസം പഠനകാലത്തെപ്പോലെ എല്ലാം മറന്ന് അടിച്ചു പൊളിക്കാനാണ് എല്ലാവരും തീരുമാനിച്ചിരിക്കുന്നത്.
സംഗമം നടക്കുന്ന സ്ഥലത്തിന്റെ വിലാസം :
West end outdoor cetnre
Wagtails,
Thruscross,
Harrogate
HG3 4BA |