|
യുകെയിലെ മലയാളി സമൂഹത്തിനു വേദനയായി മലയാളി ബാലികയുടെ ആകസ്മിക വിയോഗം. ലീഡ്സിലെ ഒന്‍പതു വയസുകാരി ആന്‍ തെരേസയാണ് വിട വാങ്ങിയത്. ഹൃദയസംബന്ധമായ അസുഖം മൂലം ആണ് മരണം എന്നാണ് വിവരം. ഞായറാഴ്ച രാത്രി 9.45ഓടെയാണ് കുഞ്ഞിന്റെ മരണം സംഭവിച്ചത്.
ലീഡ്സിലെ ജെയിംസ് - നെഫി ഗോപുരത്തിങ്കല്‍ ദമ്പതികളുടെ മകളാണ് ആന്‍ തെരേസ. ജെയിംസ് മൂക്കന്നൂര്‍ ഞാലൂക്കര ഗോപുരത്തിങ്കല്‍ കുടുംബാംഗമാണ്. അമ്മ നെഫി അങ്കമാലി കറുകുറ്റി കുടുംബാംഗമാണ് . പന്ത്രണ്ട് വയസ്സുള്ള ജോണ്‍ ആണ് സഹോദരന്‍ . മൃതസംസ്‌കാര ശുശ്രൂഷകള്‍ പിന്നീട്.
ലീഡ്സ് മലയാളി അസോസിയേഷന്‍ അംഗമാണ് ജെയിംസും കുടുംബവും. അപ്രതീക്ഷിതമായി എത്തിയ ദുരന്ത വാര്‍ത്തയില്‍ തകര്‍ന്നിരിക്കുന്ന ഈ കുടുംബത്തിന് ആശ്വാസമായി ലീഡ്സ് മലയാളികള്‍ പിന്തുണയുമായി ഒപ്പമുണ്ട്. |
