ലണ്ടന്‍: പ്ലാസ്റ്റിക് കട്ട്‌ലറികള്‍, പ്ലേറ്റുകള്‍, ട്രേകള്‍ തുടങ്ങിയ ഒറ്റത്തവണ ഉപയോഗിക്കാവുന്ന വസ്തുക്കള്‍ ഇംഗ്ലണ്ടില്‍ നിരോധിക്കുമെന്ന് സര്‍ക്കാര്‍ സ്ഥിരീകരിച്ചു. നിരോധനം എപ്പോള്‍ പ്രാബല്യത്തില്‍ വരുമെന്ന് വ്യക്തമല്ല, എന്നാല്‍ സ്‌കോട്ട്‌ലന്‍ഡും വെയില്‍സും ഇതിനകം നടത്തിയ സമാന നീക്കങ്ങള്‍ പിന്തുടരുന്നു.ഭാവി തലമുറയ്ക്കായി പരിസ്ഥിതിയെ സംരക്ഷിക്കാന്‍ ഈ നീക്കം സഹായിക്കുമെന്ന് പരിസ്ഥിതി സെക്രട്ടറി തെരേസ് കോഫി പറഞ്ഞു. ഇംഗ്ലണ്ടില്‍ പ്രതിവര്‍ഷം 1.1 ബില്യണ്‍ ഒറ്റത്തവണ ഉപയോഗിക്കാവുന്ന പ്ലേറ്റുകളും നാല് ബില്യണിലധികം പ്ലാസ്റ്റിക് കട്ട്‌ലറികളും ഉപയോഗിക്കുന്നുണ്ടെന്ന് സര്‍ക്കാര്‍ കണക്കുകള്‍ സൂചിപ്പിക്കുന്നു.
പ്ലാസ്റ്റിക് മാലിന്യങ്ങള്‍ പലപ്പോഴും അഴുകാതെ കിടക്കുന്നു, വര്‍ഷങ്ങളോളം മാലിന്യക്കൂമ്പാരത്തില്‍ നിലനില്‍ക്കും.ഭക്ഷണ ശുചിത്വത്തിന്റെ കാര്യത്തില്‍ ഇത് ഉപയോഗപ്രദമാകുമെങ്കിലും, അത് മാലിന്യമായി അവസാനിക്കുകയും മണ്ണിനെയും വെള്ളത്തെയും മലിനമാക്കുകയും ചെയ്യും. ഉദാഹരണത്തിന് ഒരു പ്ലാസ്റ്റിക് ഫോര്‍ക് ഡീകംപോസ് ആകാന്‍ 200 വര്‍ഷമെടുക്കും, അതായത് രണ്ട് നൂറ്റാണ്ട് ഭൂമിയില്‍ നിക്ഷേപിക്കുകയോ നമ്മുടെ സമുദ്രങ്ങളെ മലിനമാക്കുകയോ ചെയ്യുന്നുവെന്ന് പരിസ്ഥിതി സെക്രട്ടറി തെരേസ് കോഫി കൂട്ടിച്ചേര്‍ത്തു.പരിസ്ഥിതി, ഭക്ഷ്യ, ഗ്രാമീണ കാര്യ വകുപ്പിന്റെ (ഡെഫ്ര) നീക്കത്തിന്റെ സ്ഥിരീകരണം ഒരു നീണ്ട കൂടിയാലോചനയെ തുടര്‍ന്നാണ്. ജനുവരി 14 ശനിയാഴ്ച ഇത് സംബന്ധിച്ച കൃത്യമായ വിവരങ്ങള്‍ പ്രസിദ്ധീകരിക്കും. കാമ്പെയ്നര്‍മാര്‍ നിരോധനത്തെ സ്വാഗതം ചെയ്തു കൊണ്ട് വിശാലമായ പ്ലാസ്റ്റിക് കുറയ്ക്കല്‍ തന്ത്രത്തിന് ആഹ്വാനം ചെയ്തു.
