ചേരുവകള്
ചെമ്മീന് പൊളിച്ച് വൃത്തിയാക്കിയത്-ഒരു കപ്പ്
കടുക്-ഒരു ടീസ്പൂണ്
വെളുത്തുള്ളി ചതച്ചത്-ഒരു ടേബിള് സ്പൂണ്
ഇഞ്ചി ചതച്ചത്-ഒരുടേബിള് സ്പൂണ്
കറിവേപ്പില-കുറച്ച്
അച്ചാര്പൊടി-നാല് ടേബിള്സ്പൂണ്
വിനാഗിരി-ഒരു കപ്പ്
വെള്ളം തിളച്ച് ആറിയത്-ഒരു കപ്പ്
നല്ലെണ്ണ-മുക്കാല് കപ്പ്
പഞ്ചസാര-ഒരു ടീസ്പൂണ്
ഉപ്പ്-പാകത്തിന്
പാകം ചെയ്യുന്നവിധം
ഒരു ചീനച്ചട്ടി അടുപ്പില് വെച്ച് ചൂടാകുമ്പോള് നല്ലെണ്ണ ഒഴിക്കുക. ചൂടായ നല്ലെണ്ണയിലേക്ക് ചെമ്മീനില് അല്പ്പം ഉപ്പ് പുരട്ടി പൊരിച്ചെടുക്കുക. ഈ പൊരിച്ച ചെമ്മീന് ചീനച്ചട്ടിയില് നിന്നും കോരി മാറ്റിവയ്ക്കുക. ഈ ചീനച്ചട്ടിയിലുള്ള ബാക്കി എണ്ണയിലേക്ക് കടുക് ചേര്ത്ത് പൊട്ടിക്കുക. ഇഞ്ചി,വെളുത്തുള്ളി
എന്നിവ ചതച്ചതും കറിവേപ്പിലയും ചേര്ത്ത് മൊരിച്ചെടുക്കുക. ഇതിലേക്ക് അച്ചാര്പൊടിയും വിനാഗിരിയും തിളച്ചവെള്ളവും ചേര്ത്ത് ഇളക്കുക. വറുത്തുവെച്ച ചെമ്മീനും പഞ്ചസാരയും ആവശ്യത്തിന് ഉപ്പും ചേര്ത്ത് യോജിപ്പിച്ച് വാങ്ങിവയ്ക്കുക. |