ലണ്ടന്: പാകിസ്ഥാനി, ബംഗ്ലാദേശി വംശജരായ കുടിയേറ്റക്കാര് ബ്രിട്ടനില് അഭയം നേടാന് സ്വവര്ഗ്ഗാനുരാഗികളായി നടിക്കുന്നുവെന്ന് ബിബിസി നടത്തിയ അന്വേഷണത്തില് വെളിപ്പെട്ടു. ആയിരക്കണക്കിന് പൗണ്ട് നല്കി വ്യാജ തിരിച്ചറിയല് രേഖകളും കഥകളും ഒരുക്കാന് ഇമിഗ്രേഷന് കണ്സള്ട്ടന്റുകള് സഹായിക്കുന്നുവെന്നാണ് റിപ്പോര്ട്ട്. വിസ കാലാവധി അവസാനിക്കുന്ന കുടിയേറ്റക്കാരോട് വ്യാജ കഥകള് പറയാനും തെറ്റായ തെളിവുകള് തയ്യാറാക്കാനും പരിശീലനം നല്കുന്നുവെന്ന് അന്വേഷണത്തില് കണ്ടെത്തി. തുടര്ന്ന് അവര് സ്വവര്ഗ്ഗാനുരാഗികളാണെന്നും സ്വന്തം രാജ്യത്തേക്ക് മടങ്ങിയാല് ജീവന് അപകടത്തിലാണെന്നും അവകാശപ്പെടുന്നു.
2025-ല് അഭയം തേടുന്നവരില് ഏകദേശം 35 ശതമാനം പേര് ഈ വിഭാഗത്തില്പ്പെടുന്നുവെന്ന് റിപ്പോര്ട്ടുകള് സൂചിപ്പിക്കുന്നു. ആകെ 100,000-ത്തിലധികം അപേക്ഷകളാണ് ഉണ്ടായത്. യുകെ ഹോം ഓഫീസിന്റെ ഔദ്യോഗിക ഡാറ്റ പ്രകാരം, 2023-ല് ലൈംഗിക ആഭിമുഖ്യം അടിസ്ഥാനമാക്കിയുള്ള അഭയം തേടുന്നവരുടെ പട്ടികയില് പാകിസ്ഥാന് ഒന്നാമതെത്തി, പിന്നാലെ ബംഗ്ലാദേശും. അതേസമയം, വിസക്കായി രാജ്യത്തിന്റെ സംവിധാനം ദുരുപയോഗം ചെയ്യുന്നതായി കണ്ടെത്തിയാല് നാടുകടത്തല് ഉള്പ്പെടെയുള്ള കര്ശന നിയമനടപടികള് നേരിടേണ്ടിവരുമെന്ന് ഹോം ഓഫീസ് വ്യക്തമാക്കി. ഈ വിഷയത്തില് രഹസ്യ റിപ്പോര്ട്ടര്മാരെ അയച്ചാണ് ബിബിസി അന്വേഷണം നടത്തിയതെന്നും റിപ്പോര്ട്ടില് പറയുന്നു.
