ആവശ്യമുള്ള സാധനങ്ങള്‍

താറാവ് കഷണങ്ങളാക്കിയത് -ഒന്ന് ചെറുത്

വെളുത്തുള്ളി ചതച്ചത് - 10 അല്ലി

ഇഞ്ചി ചതച്ചത് - രണ്ട് വലിയ കഷണം

കുരുമുളക് ചതച്ചത് - ഒന്നര ടേബിള്‍സ്പൂണ്‍

മുളകുപൊടി - ഒരു ടേബിള്‍സ്പൂണ്‍

മഞ്ഞള്‍പൊടി - അര ടീസ്പൂണ്‍

ഗരം മസാലപ്പൊടി - മൂന്ന് ടീസ്പൂണ്‍

മല്ലിപ്പൊടി - ഒരു ടേബിള്‍ സ്പൂണ്‍

ചെറിയ ഉള്ളി ചതച്ചത് - 10 എണ്ണം

സവാള അരിഞ്ഞത് - രണ്ട് എണ്ണം

തക്കാളി അരിഞ്ഞത് - രണ്ട് എണ്ണം

വെളിച്ചെണ്ണ - രണ്ട് ടേബിള്‍സ്പൂണ്‍

കറിവേപ്പില - രണ്ട് തണ്ട്

ഉപ്പ് - പാകത്തിന്


തയ്യാറാക്കുന്ന വിധം

പച്ചമുളക്, ഇഞ്ചി, വെളുത്തുള്ളി, കുരുമുളക്, ചെറിയ ഉള്ളി എന്നിവ ചതച്ചതും താറാവ് കഷണങ്ങളും മഞ്ഞള്‍പ്പൊടി, മല്ലിപ്പൊടി, മുളകുപൊടി, ഉപ്പ് എന്നിവയും കൂട്ടിയോജിപ്പിച്ച് കുക്കറില്‍ 10 മിനുട്ട് വേവിക്കുക. ചീനച്ചട്ടിയില്‍ വെളിച്ചെണ്ണ ചൂടാക്കി കറിവേപ്പില ഇട്ട് താളിച്ച് സവാള വഴറ്റുക. സവാള ബ്രൗണ്‍ നിറമാകുമ്പോള്‍ തക്കാളി അരിഞ്ഞത് ചേര്‍ത്ത് ഒന്നുകൂടി വഴറ്റുക. തക്കാളി വാടി എണ്ണ തെളിഞ്ഞുതുടങ്ങുമ്പോള്‍ വേവിച്ച താറാവിറച്ചി അതിന്റെ ചാറോടുകൂടി ഇതിലേക്ക് ഇട്ട് നന്നായി ഇളക്കി യോജിപ്പിച്ച് ചെറുതീയില്‍ വറ്റിച്ച് റോസ്റ്റ്‌പോലെയാക്കി എടുക്കുക. ചാറ് ഇറച്ചിയില്‍ പൊതിഞ്ഞിരിക്കുന്ന പാകത്തിലാണ് അടുപ്പില്‍നിന്ന് മാറ്റേണ്ടത്.