പാനസോണികിന്റെ പി77 സ്മാര്ട്ട്ഫോണിന്റെ പുതിയ വാരിയന്റ്റ് പുറത്തിറങ്ങി. 16GB ഇന്റേണല് സ്റ്റോറേജ് ഉള്ള ഈ ഫോണ് ഇപ്പോള് ഫ്ലിപ്പ്കാര്ട്ടില് ലഭ്യമാണ്. 5,299 രൂപയാണ് ഇതിന്റെ വില. ഫോണിന്റെ കൂടെ സൗജന്യമായി സ്ക്രീന് ഗാര്ഡും ലഭിക്കും.
അഞ്ചിഞ്ച് എച്ച് ഡി ഡിസ്പ്ലേ ഉള്ള ഈ ഫോണിന്റെ പിക്സല് റെസല്യൂഷന് 720x1280 ആണ്. ആന്ഡ്രോയ്ഡ് 5.1 ലോലിപോപ്പ് ആണ് പ്ലാറ്റ്ഫോം. 1GHz ക്വാഡ്കോര് പ്രോസസര് ആണ് ഇതില് ഉപയോഗിച്ചിരിക്കുന്നത്.
1GB റാം ഉള്ള ഫോണിന്റെ സ്റ്റോറേജ് മൈക്രോ എസ്ഡി കാര്ഡ് ഉപയോഗിച്ച് 32GB വരെ ഉയര്ത്താം. എല് ഇ ഡി ഫ്ലാഷ് ഉള്ള 8MP പിന്ക്യാമറയും 2MP യുടെ മുന്ക്യാമറയും ഉണ്ട്. 2,000 mAh ബാറ്ററിയുടെ കരുത്തോടെ എത്തുന്ന ഫോണിന്റെ കണക്റ്റിവിറ്റി ഓപ്ഷനുകള് 4G, 3G, വൈഫൈ, ബ്ലൂടൂത്ത്, ജിപിഎസ് എന്നിവയാണ്.
റിലയന്സ് ജിയോ നെറ്റ്വര്ക്ക് ഉപയോഗിക്കാന് പാകത്തില് 4G VoLTE ടെക്നോളജിയുമായാണ് ഈ ഫോണ് എത്തുക. ഉപഭോക്താക്കള്ക്ക് ഈ ഓഫറിലൂടെ ലഭിക്കുന്നത് പോക്കറ്റിലൊതുങ്ങുന്നതും എന്നാല് മികച്ച മൂല്യമുള്ളതുമായ ഫോണ് ആണെന്ന് പാനസോണിക് ഇന്ത്യയുടെ മൊബിലിറ്റി ഡിവിഷന് ബിസിനസ് ഹെഡ് പങ്കജ് റാണ പറഞ്ഞു. |