ലണ്ടന്: കൊറോണ വൈറസ് ഭീഷണി രൂക്ഷമായ സാഹചര്യത്തില് ബ്രിട്ടന് ചൈനയിലേക്കുള്ള വിമാന സര്വീസുകള് റദ്ദാക്കി. മെയിന്ലാന്ഡ് ചൈനയിലേക്കും തിരികെയുമുള്ള എല്ലാ വിമാന സര്വീസുകളും റദ്ദാക്കിയതായി ബ്രിട്ടീഷ് എയര്വേസ് അറിയിച്ചു. വൈറസ് പടരുന്ന സാഹചര്യത്തില് ചൈനയിലേക്ക് യാത്ര ചെയ്യരുതെന്ന് യുകെ സര്ക്കാര് പൗരന്മാര്ക്ക് മുന്നറിയിപ്പ് നല്കിയിരുന്നു. ഇതിന് പിന്നാലെയാണ് വിമാന സര്വീസുകള് റദ്ദാക്കിയിരിക്കുന്നത്. അത്യാവശ്യഘട്ടത്തിലല്ലാതെ യാത്ര വേണ്ടെന്നാണ് അധികതര് പൗരന്മാര്ക്ക് നിര്ദേശം നല്കിയിരിക്കുന്നത്.
ചൈനയില് വൈറസ് ബാധിച്ച് മരിച്ചവരുടെ എണ്ണ 132 ആയി ഉയര്ന്നു. മധ്യ ചൈനയിലെ വുഹാനില് പൊട്ടിപ്പുറപ്പെട്ട പുതിയ കൊറോണവൈറസ് ചൈനയിലെങ്ങും വ്യാപിച്ചിരിക്കുകയാണ്. ചൈനയ്ക്ക് പുറമെ ലോകത്തെ 16 രാജ്യങ്ങളിലാണ് ഇതുവരെ വൈറസ് ബാധ സ്ഥിരീകരിച്ചിട്ടുള്ളത്. എന്നാല് ചൈനയ്ക്ക് പുറത്ത് മരണം റിപ്പോര്ട്ട് ചെയ്തിട്ടില്ല. വൈറസിന്റെ പ്രഭവകേന്ദ്രമായ വുഹാന് ഉള്പ്പെടെ 20 ചൈനീസ് നഗരങ്ങള് അടച്ചിരിക്കുയാണ്. പൊതുഗതാഗതം നിരോധിച്ചിട്ടുണ്ട്. വുഹാനില് ഉള്പ്പെടെ നിരവധി വിദേശ പൗരന്മാര് കുടുങ്ങിക്കിടക്കുന്നുണ്ട്. ഇന്ത്യയും യുഎസും ഉള്പ്പെടെയുള്ള രാജ്യങ്ങള് പൗരന്മാരെ തിരികെയെത്തിക്കാന് ശ്രമം നടത്തുകയാണ്.