കേരള സ്റ്റേറ്റ് ബീവറേജസ് കോര്പ്പറേഷന്റെ ഇ-ഓഫീസ് മന്ത്രി എം ബി രാജേഷ് ഉദ്ഘാടനം ചെയ്തു. ബീവറേജസ് കോര്പ്പറേഷന്റെ വളര്ച്ചയുടെയും പുരോഗതിയുടെയും ചരിത്രത്തില് വിപ്ലവകരമായ ചുവടുവെപ്പാണ് ഈ ഓഫീസ് എന്ന് മന്ത്രി പറഞ്ഞു.
ജീവനക്കാര്ക്ക് ജോലി അനായാസമാക്കാന് ഇ-ഓഫീസ് സഹായകരമാകും. ഒരു രൂപ പോലും ചെലവഴിക്കാതെയാണ് ഇ-ഓഫീസ് സംവിധാനം പ്രാവര്ത്തികമാക്കിയതെന്നും മന്ത്രി കൂട്ടിച്ചേര്ത്തു. കെ.എസ്.ബി.സി ചെയര്മാനും മാനേജിംഗ് ഡയറക്ടറുമായ യോഗേഷ് ഗുപ്ത, ഇ- ഓഫീസ് സൊല്യൂഷന് നോഡല് ഓഫീസര് ജാനു മോഹന്, ബീവറേജസ് കോര്പ്പറേഷനിലെ ഉദ്യോഗസ്ഥര്, ജീവനക്കാര് തുടങ്ങിയവര് ചടങ്ങില് പങ്കെടുത്തു. |