കോഴിക്കോട് നിന്നാണ് അഗളി പൊലീസ് വിദ്യയെ കസ്റ്റഡിയില് എടുത്തിരിക്കുന്നത്. കേസ് രജിസ്റ്റര് ചെയ്തതിന് പിന്നാലെ ഒളിവില് പോയ വിദ്യ15 ദിവസങ്ങള്ക്ക് ശേഷമാണ് പൊലീസ് പിടിയിലായത്. കോഴിക്കോട് നിന്ന് വിദ്യയെ പാലക്കാടേക്ക് കൊണ്ടുവരും. കോഴിക്കോട് മേപ്പയൂര്, വടകര മേഖലകളില് വിദ്യക്കായി തെരച്ചില് നടത്തുന്നുണ്ടായിരുന്നു.
അഗളി പൊലീസും നീലേശ്വരം പൊലീസും രജിസ്റ്റര് ചെയ്ത കേസുകളില് വിദ്യ സമര്പ്പിച്ച മുന്കൂര് ജാമ്യ ഹര്ജികള് പിന്നീട് പരിഗണിക്കാനായി കോടതി മാറ്റിയതിന് പിന്നാലെയാണ് വിദ്യയെ പിടികൂടിയത്. നാളെ മണ്ണാര്ക്കാട് കോടതിയില് ഹാജരാക്കും. മേപ്പയൂരില് സുഹൃത്തിന്റെ വീട്ടിലായിരുന്നു വിദ്യ. ഇവിടെ നിന്ന് ഇറങ്ങി പോകുന്ന സമയത്ത് പൊലീസ് കസ്റ്റഡിയിലെടുത്തുവെന്നാണ് ലഭിക്കുന്ന വിവരം. |