എട്ട് വര്‍ഷം മുന്‍പ് ബ്രിട്ടനിലെ സ്ഥിര താമസക്കാരായ ഒരുപറ്റം മലയാളികളാണ് സമീക്ഷ യുകെ രൂപീകരിച്ചത്. പുരോഗമന സ്വഭാവമുള്ള മലയാളി കൂട്ടായ്മ എന്ന രീതിയിലാണ് പ്രവര്‍ത്തനം ആരംഭിച്ചത്. പതിയെ കലാ കായിക സാംസ്‌കാരിക മേഖലകളിലും സജീവമായി ഇടപെട്ടുതുടങ്ങി. ചെറിയ കാലയളവില്‍ അത്ഭുതപ്പെടുത്തും വിധം സമീക്ഷ വളര്‍ന്നു. ഇന്നിപ്പോള്‍ സമീക്ഷയ്ക്ക് ബ്രിട്ടനിലാകെ നാല്‍പതോളം യൂണിറ്റുകളുണ്ട്. ഇനിയുമിനിയും മനുഷ്യരിലേക്ക് പടരുവാനും ബ്രിട്ടനിലാകെ പ്രവര്‍ത്തനം വ്യാപിപ്പിക്കുവാനും സമീക്ഷ യുകെ മെമ്പര്‍ഷിപ്പ് ക്യാമ്പയിന്‍ ഏപ്രില്‍ അഞ്ചിന് തുടങ്ങുകയാണ്. സമീക്ഷയുടെ സത്പ്രവര്‍ത്തികളില്‍ പങ്കാളികളാവാന്‍ എല്ലാവരെയും സ്വാഗതം ചെയ്യുന്നുവെന്ന് നേതൃത്വം അറിയിച്ചു.
