Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Fri 20th Nov 2026
വാര്‍ത്തകള്‍
  28-10-2025
സ്വര്‍ണവില കുതിച്ചുയരുമ്പോഴും കേരളത്തിലെ ക്ഷേത്രങ്ങളില്‍ വഴിപാടുകള്‍ തിളങ്ങുന്നു; ഗുരുവായൂരില്‍ ഒക്ടോബറില്‍ മാത്രം 2.58 കിലോ സ്വര്‍ണം

കൊച്ചി: രാജ്യത്ത് സ്വര്‍ണവില റെക്കോര്‍ഡുകള്‍ ഭേദിച്ച് ഉയരുമ്പോഴും കേരളത്തിലെ ക്ഷേത്രങ്ങളില്‍ വിശ്വാസികളുടെ വഴിപാടുകള്‍ക്ക് കുറവില്ല. വിലയേറിയ ലോഹങ്ങളായ സ്വര്‍ണവും വെള്ളിയും ക്ഷേത്രങ്ങളിലെ വഴിപാട് പെട്ടികളിലേക്ക് ഒഴുകിയെത്തുന്ന പ്രവാഹം തുടര്‍ന്നുകൊണ്ടിരിക്കുകയാണ്.

ഗുരുവായൂര്‍ ക്ഷേത്രത്തില്‍ ഭക്തര്‍ ഓരോ വര്‍ഷവും ഏകദേശം 20-25 കിലോഗ്രാം സ്വര്‍ണവും 120-150 കിലോഗ്രാം വെള്ളിയുമാണ് വഴിപാടായി നല്‍കുന്നത്. 2025 ഒക്ടോബറിലൊപ്പമാത്രം 2.58 കിലോഗ്രാം സ്വര്‍ണവും 9.31 കിലോഗ്രാം വെള്ളിയുമാണ് ലഭിച്ചത്. തീര്‍ത്ഥാടനകാലത്ത് മാത്രം തുറക്കുന്ന ശബരിമലയില്‍ മൂന്ന് മാസത്തിനുള്ളില്‍ ഏകദേശം 15 കിലോഗ്രാം സ്വര്‍ണം ലഭിക്കുന്നതായും കണക്കുകള്‍

Full Story
  27-10-2025
ബിഹാര്‍ നിയമസഭാ തിരഞ്ഞെടുപ്പ്: വിമതരെ പുറത്താക്കി ജെഡിയു

പട്ന: ബിഹാര്‍ നിയമസഭാ തിരഞ്ഞെടുപ്പ് പ്രചാരണം ചൂടുപിടിക്കുന്നതിനിടെ വിമത സ്വരം ഉയര്‍ത്തിയ 16 നേതാക്കളെ ജനതാദള്‍ (യുണൈറ്റഡ്) പാര്‍ട്ടിയില്‍ നിന്ന് പുറത്താക്കി. ഒരു സിറ്റിങ് എംഎല്‍എയും രണ്ട് മുന്‍ എംഎല്‍എമാരും ഉള്‍പ്പെടുന്നവര്‍ക്കെതിരെയാണ് നടപടി. എന്‍ഡിഎ മുന്നണിയിലെ ഔദ്യോഗിക സ്ഥാനാര്‍ഥികള്‍ക്കെതിരെ മത്സരിച്ചതാണ് കടുത്ത നടപടിക്ക് കാരണമായത്.

പാര്‍ട്ടി വിരുദ്ധ പ്രവര്‍ത്തനം, പ്രത്യയശാസ്ത്ര ലംഘനം തുടങ്ങിയ ആക്ഷേപങ്ങള്‍ ഉന്നയിച്ചാണ് നടപടി. ഗോപാല്‍പൂര്‍ എംഎല്‍എ നരേന്ദ്ര നീരജ് എന്ന ഗോപാല്‍ മണ്ഡല്‍, മുന്‍ എംഎല്‍സി സഞ്ജീവ് ശ്യാം സിങ്, മുന്‍ മന്ത്രി ഹേംരാജ് സിങ് എന്നിവരാണ് പ്രധാനമായി പുറത്താക്കപ്പെട്ടത്.
Full Story

  27-10-2025
ആംബുലന്‍സ് ചരക്കുവണ്ടിയായി ദുരുപയോഗം ചെയ്തതായി ആരോപണം: തലയോലപ്പറമ്പ് പഞ്ചായത്തിനെതിരെ പ്രതിഷേധം

കോട്ടയം: തലയോലപ്പറമ്പ് പഞ്ചായത്തില്‍ ആംബുലന്‍സ് ചരക്കുവണ്ടിയായി ദുരുപയോഗം ചെയ്തതായി ആരോപണം. പഞ്ചായത്തിലേക്ക് ബുക്കുകളും പേപ്പറും എത്തിക്കാന്‍ രോഗികള്‍ക്ക് വേണ്ടി സൗത്ത് ഇന്ത്യന്‍ ബാങ്ക് നല്‍കിയ ആംബുലന്‍സ് ഉപയോഗിച്ചതിന്റെ ദൃശ്യങ്ങള്‍ സാമൂഹിക മാധ്യമങ്ങളില്‍ പ്രചരിച്ചതോടെയാണ് വിവാദം ഉയര്‍ന്നത്.

പാലക്കാട് ജില്ലയിലെ കഞ്ചിക്കോട്ടെ സര്‍ക്കാര്‍ പ്രസില്‍ നിന്നുള്ള അച്ചടി പ്രസിദ്ധീകരണങ്ങള്‍, ബുക്കുകള്‍, പേപ്പറുകള്‍ എന്നിവ കഴിഞ്ഞ വ്യാഴാഴ്ച ആംബുലന്‍സില്‍ കൊണ്ടുവന്നതായാണ് വിവരം. ഡ്രൈവറെ കൂടാതെ പഞ്ചായത്തിലെ യുഡി ക്ലാര്‍ക്കും ടെക്നിക്കല്‍ അസിസ്റ്റന്റും ആംബുലന്‍സില്‍ ഉണ്ടായിരുന്നുവെന്ന് റിപ്പോര്‍ട്ട്.

Full Story
  27-10-2025
പിഎം ശ്രീ കരാറില്‍ ഒപ്പിട്ടതിനെതിരെ സിപിഐ-സിപിഎം തര്‍ക്കം: മുഖ്യമന്ത്രി ബിനോയിയെ ഫോണില്‍ വിളിച്ചു

തിരുവനന്തപുരം: പിഎം ശ്രീ കരാറില്‍ ഒപ്പിട്ടതുമായി ബന്ധപ്പെട്ട വിവാദത്തില്‍ മുഖ്യമന്ത്രി പിണറായി വിജയന്‍ സിപിഐ സംസ്ഥാന സെക്രട്ടറി ബിനോയ് വിശ്വത്തെ ഫോണില്‍ വിളിച്ച് വിശദീകരണം നല്‍കി. ഇന്നലെയാണ് മുഖ്യമന്ത്രി ബിനോയുമായി ഫോണില്‍ സംസാരിച്ചത്. കരാറില്‍ ഒപ്പിടാന്‍ ഇടയായ സാഹചര്യങ്ങള്‍ വിശദീകരിച്ച മുഖ്യമന്ത്രി, കരാറില്‍ നിന്ന് പിന്നോട്ട് പോകുന്നത് പ്രയാസമാണെന്നും ഫണ്ട് പ്രധാനമാണെന്നും വ്യക്തമാക്കി. ബാക്കി കാര്യങ്ങള്‍ ചര്‍ച്ച ചെയ്യാമെന്നും കടുത്ത തീരുമാനത്തിലേക്ക് പോകരുതെന്നും അദ്ദേഹം ബിനോയിയെ അറിയിച്ചു.

മുഖ്യമന്ത്രിയോട് പാര്‍ട്ടിയുടെ ശക്തമായ എതിര്‍പ്പ് ബിനോയ് വ്യക്തമാക്കിയതായാണ് വിവരം. കാബിനറ്റില്‍ ചര്‍ച്ച

Full Story
  24-10-2025
പിഎം ശ്രീ' പദ്ധതിയില്‍ ഒപ്പുവെച്ചതിനെതിരെ എതിര്‍പ്പുകള്‍ ശക്തം; മുന്നണി മര്യാദ ലംഘിച്ചതെന്ന് സിപിഐ

തിരുവനന്തപുരം: കേന്ദ്രസര്‍ക്കാരിന്റെ വിദ്യാഭ്യാസ പദ്ധതിയായ 'പിഎം ശ്രീ'യില്‍ കേരള സര്‍ക്കാര്‍ ഒപ്പുവെച്ചതുമായി ബന്ധപ്പെട്ട വാര്‍ത്തകള്‍ക്ക് പിന്നാലെ ഇടതുമുന്നണിക്കുള്ളില്‍ ശക്തമായ എതിര്‍പ്പുകള്‍ ഉയരുന്നു. വാര്‍ത്ത സത്യമായാല്‍ അത് മുന്നണി മര്യാദയുടെ ലംഘനമാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പ്രതികിച്ചു. വിഷയത്തില്‍ ചര്‍ച്ച ചെയ്യാന്‍ സിപിഐ സംസ്ഥാന സെക്രട്ടേറിയറ്റ് നാളെ ചേരുമെന്നും അദ്ദേഹം മാധ്യമങ്ങളോട് പറഞ്ഞു.

സര്‍ക്കാര്‍ സിപിഐയുടെ എതിര്‍പ്പ് അവഗണിച്ച് പദ്ധതിയുമായി മുന്നോട്ട് പോകാന്‍ തീരുമാനിച്ച സാഹചര്യത്തിലാണ് പാര്‍ട്ടി നിലപാട് കടുപ്പിക്കുന്നത്. പിഎം ശ്രീ പദ്ധതിയില്‍ ഒപ്പിട്ടത്

Full Story
  24-10-2025
കര്‍ണൂലില്‍ ഓടിക്കൊണ്ടിരുന്ന ബസിന് തീപിടിച്ച് വന്‍ ദുരന്തം; 20 മരണം

ഹൈദരാബാദ്: കര്‍ണൂലില്‍ ഓടിക്കൊണ്ടിരുന്ന ബസിന് തീപിടിച്ച് ഉണ്ടായ അപകടത്തില്‍ 20 പേര്‍ മരിച്ചതായി പ്രാഥമിക റിപ്പോര്‍ട്ടുകള്‍. കര്‍ണൂല്‍ പട്ടണത്തില്‍ നിന്ന് 20 കിലോമീറ്റര്‍ അകലെയുള്ള ഉള്ളിന്ദകൊണ്ട ക്രോസിന് സമീപം പുലര്‍ച്ചെ 3:30 ഓടെയാണ് അപകടം സംഭവിച്ചത്.

ബെംഗളൂരു-ഹൈദരാബാദ് റൂട്ടിലായിരുന്ന കാവേരി ട്രാവല്‍സ് ബസിനാണ് തീപിടിച്ചത്. അപകടസമയത്ത് ബസില്‍ 42 ഓളം യാത്രക്കാരുണ്ടായിരുന്നുവെന്നാണ് വിവരം. നിരവധി പേര്‍ക്ക് ഗുരുതരമായി പൊള്ളലേറ്റിട്ടുണ്ട്. 15 ഓളം യാത്രക്കാരെ രക്ഷപ്പെടുത്താനായതായി അധികൃതര്‍ അറിയിച്ചു.

തീ പടര്‍ന്നതോടെ ചില യാത്രക്കാര്‍ ജനാലകള്‍ തകര്‍ത്ത് രക്ഷപ്പെടുകയായിരുന്നു.

Full Story
  24-10-2025
ശബരിമല സ്വര്‍ണപ്പാളി തട്ടിപ്പ്: മുരാരി ബാബുവിന്റെ രേഖാമാറ്റം മനപ്പൂര്‍വമെന്ന് റിമാന്‍ഡ് റിപ്പോര്‍ട്ട്

പത്തനംതിട്ട: ശബരിമലയിലെ സ്വര്‍ണപ്പാളികള്‍ ഔദ്യോഗിക രേഖയില്‍ 'ചെമ്പ്' എന്ന് രേഖപ്പെടുത്തിയ ദേവസ്വം ബോര്‍ഡിന്റെ മുന്‍ അഡ്മിനിസ്ട്രേറ്റീവ് ഓഫീസര്‍ മുരാരി ബാബു മനപ്പൂര്‍വമായി തട്ടിപ്പിന് കൂട്ടുനിന്നതായാണ് റിമാന്‍ഡ് റിപ്പോര്‍ട്ടില്‍ വ്യക്തമാക്കിയിരിക്കുന്നത്. കേസിലെ മുഖ്യപ്രതി ഉണ്ണികൃഷ്ണന്‍ പോറ്റിയോടൊപ്പം ഗൂഢാലോചന നടത്തിയതും, വിശ്വാസികളെ വഞ്ചിച്ചതുമാണ് റിപ്പോര്‍ട്ടില്‍ ചൂണ്ടിക്കാട്ടുന്നത്.

1998-ല്‍ തന്നെ പാളികള്‍ സ്വര്‍ണം പൂശിയതായുള്ള വ്യക്തത മുരാരി ബാബുവിന് ഉണ്ടായിരുന്നുവെന്നും, അതിനുശേഷവും രേഖയില്‍ 'ചെമ്പ്' എന്ന് രേഖപ്പെടുത്തിയത് ഉദ്ദേശപൂര്‍വമാണെന്നും എസ്‌ഐടി കോടതിയെ അറിയിച്ചു. ക്ഷേത്ര ശ്രീകോവില്‍

Full Story
  23-10-2025
ഒക്ടോബര്‍ മാസത്തെ ക്ഷേമ പെന്‍ഷന്‍ വിതരണം 27 മുതല്‍; 62 ലക്ഷം പേര്‍ക്ക് 1600 രൂപ വീതം

തിരുവനന്തപുരം: ഒക്ടോബര്‍ മാസത്തെ സാമൂഹ്യ സുരക്ഷാ പെന്‍ഷനും ക്ഷേമനിധി പെന്‍ഷനും ഈ മാസം 27 മുതല്‍ വിതരണം ആരംഭിക്കും. 62 ലക്ഷത്തോളം ഗുണഭോക്താക്കള്‍ക്ക് 1600 രൂപ വീതമാണ് ലഭിക്കുക. പെന്‍ഷന്‍ വിതരണംക്കായി 812 കോടി രൂപ അനുവദിച്ചതായി ധനകാര്യമന്ത്രി കെ. എന്‍. ബാലഗോപാല്‍ അറിയിച്ചു.

26.62 ലക്ഷം ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് നേരിട്ട് പെന്‍ഷന്‍ തുക ക്രഡിറ്റ് ചെയ്യും. മറ്റ് ഗുണഭോക്താക്കള്‍ക്ക് സഹകരണ ബാങ്കുകളുടെ സഹായത്തോടെ വീടുകളിലെത്തിയാണ് പെന്‍ഷന്‍ കൈമാറുക.

ദേശീയ പെന്‍ഷന്‍ പദ്ധതിയില്‍ ഉള്‍പ്പെട്ട 8.46 ലക്ഷം ഗുണഭോക്താക്കള്‍ക്ക് കേന്ദ്ര വിഹിതം കേന്ദ്ര സര്‍ക്കാരാണ് നല്‍കേണ്ടത്.

Full Story
[139][140][141][142][143]
 
-->




 
Close Window