തൃശൂര്‍: മേയര്‍ സ്ഥാനാര്‍ത്ഥിയെ സംബന്ധിച്ച കൗണ്‍സിലര്‍ ലാലി ജെയിംസ് ഉന്നയിച്ച ആരോപണങ്ങള്‍ തള്ളി തൃശൂര്‍ ഡിസിസി പ്രസിഡന്റ് ജോസഫ് ടാജറ്റ്. ''നാലു പ്രാവശ്യം ലാലി ജെയിംസ് മത്സരിച്ചില്ലേ? മേയറിന് സീറ്റ് വാങ്ങാനാകുമെങ്കില്‍ അവര്‍ ആര്ക്കാണ് പെട്ടി കൊടുത്തത് എന്ന് വ്യക്തമാക്കണം,'' - ജോസഫ് ടാജറ്റ് പ്രതികരിച്ചു.

ലാലി ജെയിംസ് 'പാവപ്പെട്ടവരാണെന്ന്' പറഞ്ഞത് തന്നെ പാര്‍ട്ടിയുടെ മാനദണ്ഡമാണെന്നും, മേയര്‍ സ്ഥാനാര്‍ത്ഥിയെ നിശ്ചയിച്ചത് പാര്‍ലമെന്ററി പാര്‍ട്ടിയുടെ തീരുമാനമാണെന്നും അദ്ദേഹം വ്യക്തമാക്കി. കൗണ്‍സിലര്‍മാരുമായി നടത്തിയ ചര്‍ച്ചകള്‍ക്ക് ശേഷമാണ് തീരുമാനം എടുത്തതെന്നും, കെപിസിസിയോട് റിപ്പോര്‍ട്ട് ചെയ്യേണ്ട മുതിര്‍ന്ന

തൃശൂര്‍: തൃശൂര്‍ കോര്‍പ്പറേഷന്‍ മേയര്‍ സ്ഥാനത്തേക്കുള്ള തീരുമാനത്തെ തുടര്‍ന്ന് കോണ്‍ഗ്രസില്‍ വലിയ വിവാദം. മേയര്‍ സ്ഥാനത്തേക്ക് പരിഗണിക്കാത്തതില്‍ കൗണ്‍സിലര്‍ ലാലി ജെയിംസ് അതൃപ്തി പ്രകടിപ്പിച്ചു. മേയര്‍-ഡെപ്യൂട്ടി മേയര്‍ തെരഞ്ഞെടുപ്പിനുള്ള പാര്‍ട്ടി വിപ്പ് ഇതുവരെ കൈപ്പറ്റിയിട്ടില്ലെന്നും, മുതിര്‍ന്ന നേതാവ് തേറമ്പില്‍ രാമകൃഷ്ണന്റെ നേതൃത്വത്തില്‍ അനുനയിപ്പിക്കാനുള്ള ശ്രമങ്ങള്‍ തുടരുകയാണെന്നും റിപ്പോര്‍ട്ടുകള്‍.

ഭരണപരിചയം ഇല്ലാത്ത ഡോ. നിജി ജസ്റ്റിനെ മേയര്‍ സ്ഥാനത്തേക്ക് പരിഗണിച്ചതാണ് ലാലി ജെയിംസിനെ ചൊടിപ്പിച്ചത്. മേയര്‍ പദവി പണം വാങ്ങി വിറ്റുവെന്നാരോപിച്ച് ലാലി തുറന്നടിച്ചു. ''എനിക്ക് പണമില്ലെന്ന്

തൃശൂര്‍: ക്രിസ്മസ് ആഘോഷപരിപാടിക്കിടെ ഉത്തരേന്ത്യയിലെ ക്രൈസ്തവര്‍ക്കെതിരായ ആക്രമണങ്ങളെ വിമര്‍ശിച്ച് കോര്‍പ്പറേഷന്‍ കൗണ്‍സിലര്‍ ബൈജു വര്‍ഗീസ് പ്രസംഗിച്ചതിനെ തുടര്‍ന്ന് വേദിയില്‍ തന്നെ കേന്ദ്രമന്ത്രി സുരേഷ് ഗോപി മറുപടി പ്രസംഗവുമായി എത്തി.

അവന്യൂ റോഡ് റസിഡന്റ്‌സ് അസോസിയേഷന്റെ ക്രിസ്മസ് ആഘോഷ പരിപാടിയുടെ ഉദ്ഘാടന വേദിയിലായിരുന്നു സംഭവം. കേന്ദ്രമന്ത്രിയുടെ ഉദ്ഘാടന പ്രസംഗത്തിനു ശേഷം സംസാരിച്ച കൗണ്‍സിലര്‍, ഉത്തരേന്ത്യയിലെ അമ്മമാരും സഹോദരിമാരും ക്രിസ്തുവിനേക്കാള്‍ വലിയ സഹനം അനുഭവിക്കുന്നുവെന്ന വാര്‍ത്തകള്‍ മനസ്സ് പിടഞ്ഞുപോകുന്നുവെന്ന് അഭിപ്രായപ്പെട്ടിരുന്നു.

Full Story

തിരുവനന്തപുരം: ശബരിമല സ്വര്‍ണക്കൊള്ള കേസില്‍ കോടതി മേല്‍നോട്ടത്തില്‍ സിബിഐ അന്വേഷണം വേണമെന്ന് കോണ്‍ഗ്രസ് നേതാവ് രമേശ് ചെന്നിത്തല ആവശ്യപ്പെട്ടു. എസ്ഐടിയില്‍ വിശ്വാസക്കുറവില്ലെങ്കിലും അന്താരാഷ്ട്ര സംഘങ്ങളുമായി ബന്ധമുള്ള കേസായതിനാല്‍ എസ്ഐടിക്ക് അന്വേഷണത്തില്‍ പരിമിതിയുണ്ടാകുമെന്ന് അദ്ദേഹം വ്യക്തമാക്കി.

കേസില്‍ അറസ്റ്റിലായ എ. പത്മകുമാര്‍, എന്‍. വാസു എന്നിവര്‍ക്കെതിരെ സിപിഎം നടപടിയെടുക്കാത്തതിനെതിരെ ചെന്നിത്തല വിമര്‍ശനം ഉന്നയിച്ചു. ''പാര്‍ട്ടി നടപടി എടുത്താല്‍ കൂടുതല്‍ ഉന്നതരുടെ പേര് പുറത്തുവരും എന്ന ഭയമാണ് മുഖ്യമന്ത്രിക്ക്. അതുകൊണ്ടാണ് സിപിഎം അവരെ പുറത്താക്കാത്തത്. പിന്നെ കോണ്‍ഗ്രസിനെതിരെ മുഖ്യമന്ത്രി

ന്യൂഡല്‍ഹി: ക്രിസ്മസ് ദിനാഘോഷത്തിന്റെ ഭാഗമായി ഡല്‍ഹിയിലെ സിഎന്‍ഐ സഭാ ദേവാലയത്തിലെ പ്രാര്‍ത്ഥനാ ചടങ്ങുകളില്‍ പ്രധാനമന്ത്രി നരേന്ദ്രമോദി പങ്കെടുത്തു. നൂറുകണക്കിന് വിശ്വാസികളോടൊപ്പം പ്രധാനമന്ത്രിയും പ്രാര്‍ത്ഥനകളില്‍ പങ്കുചേര്‍ന്നു. സഭയുടെ ക്രിസ്മസ് ഗാനാലാപനത്തിലും ശുശ്രൂഷകളിലും അദ്ദേഹം സന്നിഹിതനായിരുന്നു.

ഡല്‍ഹി ബിഷപ്പ് റൈറ്റ് റവ. ഡോ. പോള്‍ സ്വരൂപിന്റെ നേതൃത്വത്തിലാണ് ചടങ്ങുകള്‍ നടന്നത്. പ്രധാനമന്ത്രിക്ക് വേണ്ടി പ്രത്യേക പ്രാര്‍ത്ഥനയും നടന്നു. ബിഷപ്പ് പോള്‍ സ്വരൂപ് മോദിക്ക് വേദ പുസ്തകം സമ്മാനിച്ചു. ഏറ്റുവാങ്ങിയ ബൈബിള്‍ മോദി മുത്തമിട്ടു. സഭാ പ്രതിനിധികളുമായി അദ്ദേഹം കൂടിക്കാഴ്ച നടത്തി.

ന്യൂഡല്‍ഹി: കഴിഞ്ഞ ഒന്നര പതിറ്റാണ്ടിനിടെ കേരളത്തിന്റെ സമ്പദ്വ്യവസ്ഥ മൂന്നര മടങ്ങ് വളര്‍ന്നു എന്ന് റിസര്‍വ് ബാങ്ക് കണക്കുകള്‍ വ്യക്തമാക്കുന്നു. 2011-12ല്‍ സംസ്ഥാനത്തിന്റെ മൊത്തം ആഭ്യന്തര ഉല്‍പ്പാദനം (ജിഎസ്ഡിപി) 3.64 ലക്ഷം കോടി രൂപയായിരുന്നപ്പോള്‍, 2024-25ല്‍ അത് 12.49 ലക്ഷം കോടി രൂപയായി ഉയര്‍ന്നു.

ഉല്‍പ്പന്നങ്ങളും സേവനങ്ങളും ഉള്‍പ്പെടെ സംസ്ഥാനത്തെ മൊത്തം സാമ്പത്തിക പ്രവര്‍ത്തനങ്ങളുടെ മൂല്യമാണ് ജിഎസ്ഡിപി. കഴിഞ്ഞ വര്‍ഷം ഇത് 11.35 ലക്ഷം കോടി രൂപയായിരുന്നു. കോവിഡ് ബാധിച്ച 2020-21ല്‍ മാത്രമാണ് 14 വര്‍ഷത്തിനിടെ സമ്പദ്വ്യവസ്ഥയില്‍ ഇടിവ് രേഖപ്പെടുത്തിയത്. 2019-20ല്‍ 8.31 ലക്ഷം കോടി രൂപയായിരുന്നത് 2020-21ല്‍ 7.72 ലക്ഷം കോടിയായി കുറഞ്ഞു. എന്നാല്‍ അടുത്ത

ന്യൂഡല്‍ഹി: കൊച്ചി കോര്‍പ്പറേഷന്‍ മേയര്‍ തെരഞ്ഞെടുപ്പില്‍ പാര്‍ട്ടി തീരുമാനം എന്തായാലും അന്തിമമാണെന്ന് കോണ്‍ഗ്രസ് അഖിലേന്ത്യാ ജനറല്‍ സെക്രട്ടറി കെ.സി. വേണുഗോപാല്‍ വ്യക്തമാക്കി. തീരുമാനത്തില്‍ അപാകതകളോ പരാതികളോ ഉണ്ടെങ്കില്‍ അത് ചര്‍ച്ച ചെയ്യേണ്ടത് പാര്‍ട്ടി വേദികളിലാണെന്നും അദ്ദേഹം പറഞ്ഞു.

ദീപ്തി മേരി വര്‍ഗീസിന് പ്രയാസം ഉണ്ടായത് സ്വാഭാവികമാണെന്നും, 1987-ല്‍ താന്‍ കെ.എസ്.യു പ്രസിഡന്റായിരുന്ന കാലത്ത് മഹാരാജാസ് കോളജിലെ ശക്തമായ പ്രവര്‍ത്തകയായിരുന്നു ദീപ്തിയെന്നും വേണുഗോപാല്‍ ഓര്‍മ്മിപ്പിച്ചു. കോണ്‍ഗ്രസിന്റെ പ്രത്യയശാസ്ത്രങ്ങളില്‍ ഉറച്ചു നിന്ന പ്രവര്‍ത്തകയായതിനാല്‍ മേയര്‍ പദവി ആഗ്രഹിച്ചത്

തിരുവനന്തപുരം കന്റോണ്‍മെന്റ് പൊലീസ് മുന്‍ എംഎല്‍എയും സംവിധായകനുമായ പി.ടി. കുഞ്ഞുമുഹമ്മദിനെ ലൈംഗികാതിക്രമ കേസില്‍ അറസ്റ്റ് രേഖപ്പെടുത്തി വിട്ടയച്ചു. ചലച്ചിത്ര പ്രവര്‍ത്തക നല്‍കിയ പരാതിയുടെ അടിസ്ഥാനത്തിലാണ് നടപടി.

എഴാം നമ്പര്‍ അഡീഷണല്‍ സെഷന്‍സ് കോടതി മുന്‍കൂര്‍ ജാമ്യം അനുവദിച്ചതിനെ തുടര്‍ന്ന്, അറസ്റ്റ് ചെയ്താല്‍ ജാമ്യം നല്‍കണമെന്ന് കോടതി നിര്‍ദേശിച്ചിരുന്നു. കൂടാതെ, ഏഴു ദിവസത്തിനുള്ളില്‍ അന്വേഷണ ഉദ്യോഗസ്ഥന്റെ മുമ്പില്‍ ഹാജരാകണമെന്നും കോടതി ഉത്തരവിട്ടിരുന്നു.

കഴിഞ്ഞ മാസമാണ് ചലച്ചിത്ര പ്രവര്‍ത്തക കുഞ്ഞുമുഹമ്മദിനെതിരെ മുഖ്യമന്ത്രിക്ക് പരാതി നല്‍കിയത്. തുടര്‍ന്ന്,