|
|
|
|
|
| ഉമീദ് പോര്ട്ടലിലെ വഖഫ് രജിസ്ട്രേഷന്: രേഖാ പരിശോധനയ്ക്ക് പിന്നാലെ യുപിയില് 31,328 രജിസ്ട്രേഷനുകള് റദ്ദാക്കി |
ലക്നൗ: ഉമീദ് പോര്ട്ടലില് രജിസ്റ്റര് ചെയ്ത വഖഫ് സ്വത്തുക്കളില് രേഖാപരമായ പൊരുത്തക്കേടുകള് കണ്ടെത്തിയതിനെ തുടര്ന്ന് ഉത്തര്പ്രദേശില് 31,328 രജിസ്ട്രേഷനുകള് റദ്ദാക്കി. ഭൂമിരേഖകള്, ഉടമസ്ഥാവകാശ വിവരങ്ങള്, ഖസ്ര/പ്ലോട്ട് നമ്പറുകള്, വിസ്തീര്ണം തുടങ്ങിയവയില് അപാകതകള് കണ്ടെത്തിയതിന്റെ അടിസ്ഥാനത്തിലാണ് നടപടി സ്വീകരിച്ചതെന്ന് ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്തു. യുപിയില് ആകെ 1,18,302 വഖഫ് സ്വത്തുക്കള് ഉമീദ് പോര്ട്ടലില് രേഖപ്പെടുത്തിയിട്ടുണ്ടെന്നാണ് റിപ്പോര്ട്ടുകള്. ഇതില് രേഖാ പരിശോധനയ്ക്ക് ശേഷം 31,192 വഖഫ് അവകാശവാദങ്ങളും നിരസിച്ചതായി റിപ്പോര്ട്ടുണ്ട്. വഖഫ് രേഖകളുടെ സംസ്ഥാനതല പരിശോധനയുടെ ഭാഗമായാണ് ഈ നടപടി.
|
|
Full Story
|
|
|
|
|
|
|
| നവകേരള യാത്രയ്ക്കിടെയുണ്ടായ മര്ദനം: അഞ്ചു പൊലീസുകാര്ക്ക് സസ്പെന്ഷന് |
തിരുവനന്തപുരം: മുന് മുഖ്യമന്ത്രി പിണറായി വിജയന്റെ നവകേരള യാത്രയ്ക്കിടെ ആലപ്പുഴയില് യൂത്ത് കോണ്ഗ്രസ്, കെഎസ്യു പ്രവര്ത്തകരെ മര്ദിച്ച സംഭവത്തില് അഞ്ചു പൊലീസുകാര്ക്ക് സസ്പെന്ഷന്. അന്നത്തെ മുഖ്യമന്ത്രിയുടെ സുരക്ഷാ സംഘത്തില് ഉണ്ടായിരുന്ന അനില് കുമാര്, സന്ദീപ്, അരുണ്, വിപിന്, ഷൈജു എന്നിവര്ക്കെതിരെയാണ് നടപടി. ആലപ്പുഴയിലെ പ്രതിഷേധവുമായി ബന്ധപ്പെട്ട് പ്രത്യേക അന്വേഷണസംഘം സംസ്ഥാന പൊലീസ് മേധാവിക്ക് നല്കിയ റിപ്പോര്ട്ടിന്റെ അടിസ്ഥാനത്തിലാണ് സസ്പെന്ഷന്. നവകേരള യാത്രയ്ക്കിടെ യൂത്ത് കോണ്ഗ്രസ് പ്രവര്ത്തകരെ മര്ദിച്ച സംഭവം ചട്ടവിരുദ്ധവും അനാവശ്യവുമാണെന്ന് പ്രത്യേക അന്വേഷണസംഘം കണ്ടെത്തിയതായാണ് റിപ്പോര്ട്ടുകള്. പ്രതിഷേധക്കാരെ |
|
Full Story
|
|
|
|
|
|
|
| കര്ണാടക കോണ്ഗ്രസില് നേതൃമാറ്റ ചര്ച്ചകള് ശക്തം; സിദ്ധരാമയ്യയും ഡികെ ശിവകുമാറും ഡല്ഹിയില് |
ന്യൂഡല്ഹി: കര്ണാടക കോണ്ഗ്രസിനെ മാസങ്ങളായി അലട്ടുന്ന നേതൃമാറ്റ ചര്ച്ചകള്ക്ക് പുതിയ വഴിത്തിരിവ് നല്കിക്കൊണ്ട് മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡികെ ശിവകുമാറും എഐസിസി നേതൃത്വവുമായി ചര്ച്ചയ്ക്കായി ഡല്ഹിയിലെത്തി. സന്ദര്ശനം ഔദ്യോഗികമാണെന്ന് കോണ്ഗ്രസ് നേതൃത്വം വ്യക്തമാക്കുമ്പോഴും, കര്ണാടകത്തിലെ അധികാര കൈമാറ്റം, മന്ത്രിസഭാ പുനഃസംഘടന, രാജ്യസഭാ തിരഞ്ഞെടുപ്പ് എന്നിവ ചര്ച്ചാവിഷയമായേക്കുമെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്. കര്ണാടകത്തിലെ നേതൃമാറ്റം സംബന്ധിച്ച് അന്തിമ തീരുമാനം അടുത്ത ദിവസങ്ങളില് ഉണ്ടാകാമെന്ന സൂചനകളും പുറത്തുവരുന്നുണ്ട്. കോണ്ഗ്രസ് ഹൈക്കമാന്ഡ് സിദ്ധരാമയ്യയുമായും ഡികെ ശിവകുമാറുമായും |
|
Full Story
|
|
|
|
|
|
|
| രണ്ടാഴ്ചയ്ക്കിടെ നാലാം തവണയും ഇന്ധനവില കൂട്ടി; പെട്രോള് ഡല്ഹിയില് ?102 കടന്നു |
ന്യൂഡല്ഹി: ഇന്ത്യയില് രണ്ടാഴ്ചയ്ക്കുള്ളില് നാലാം തവണയും പെട്രോള്, ഡീസല് വില വര്ധിപ്പിച്ചു. പൊതുമേഖലാ എണ്ണക്കമ്പനികള് തിങ്കളാഴ്ച പെട്രോള് വില ലിറ്ററിന് ?2.61ഉം ഡീസല് വില ലിറ്ററിന് ?2.71ഉം വര്ധിപ്പിച്ചു. ഇതോടെ മെയ് 15ന് ശേഷം പെട്രോളിന് ആകെ ?7.35ഉം ഡീസലിന് ?7.53ഉം വര്ധിച്ചു. ഡല്ഹിയില് പെട്രോള് വില ലിറ്ററിന് ?102.12ഉം ഡീസല് വില ?95.20ഉം ആയി. കഴിഞ്ഞ നാല് വര്ഷത്തിനിടെ ആദ്യമായാണ് ദേശീയ തലസ്ഥാനത്ത് പെട്രോള് വില ?100 കടക്കുന്നത്. ആഗോള ക്രൂഡ് ഓയില് വിപണിയിലെ അസ്ഥിരതയാണ് ഇന്ധനവില വര്ധനവിന് പ്രധാന കാരണം. അമേരിക്ക-ഇറാന് സംഘര്ഷം രൂക്ഷമായതോടെ പശ്ചിമേഷ്യയിലെ ഊര്ജ വിതരണ ശൃംഖലയില് വലിയ അനിശ്ചിതത്വം രൂപപ്പെട്ടിട്ടുണ്ട്. പ്രത്യേകിച്ച് ഹോര്മൂസ് |
|
Full Story
|
|
|
|
|
|
|
| മലയിടംതുരുത്ത് കുടിയൊഴിപ്പിക്കല്: വിധി നടപ്പാക്കുകയല്ലാതെ മാര്ഗമില്ലെന്ന് ഹൈക്കോടതി; സര്ക്കാരിന് രണ്ടാഴ്ച സാവകാശം |
കൊച്ചി: എറണാകുളം മലയിടംതുരുത്ത് പരിയത്തുകാവ് കുടിയൊഴിപ്പിക്കല് വിഷയത്തില് സുപ്രീം കോടതി വിധി നടപ്പാക്കുകയല്ലാതെ മറ്റൊരു മാര്ഗമില്ലെന്ന് ഹൈക്കോടതി. കോടതി വിധിയെ സര്ക്കാര് ബഹുമാനിക്കണമെന്നും കുടിയൊഴിപ്പിക്കല് നടപടിയില് സാങ്കേതികത്വം ചൂണ്ടിക്കാട്ടുകയല്ല, വിധി നടപ്പാക്കുകയാണു സര്ക്കാരിന്റെ ബാധ്യതയെന്നും ഹൈക്കോടതി വ്യക്തമാക്കി. തര്ക്കഭൂമിയിലെ അവകാശം സ്ഥാപിച്ചെടുക്കാന് അവിടെ താമസിക്കുന്ന ദലിത് കുടുംബങ്ങള് ഇതുവരെ നിയമപരമായ നടപടികളൊന്നും സ്വീകരിച്ചിട്ടില്ലെന്ന് കോടതി നിരീക്ഷിച്ചു. തര്ക്കസ്ഥലത്ത് തുടരണമെങ്കില് നിയമപരമായ അവകാശം ഉണ്ടായിരിക്കണം. എന്നാല് ആ അവകാശം സ്ഥാപിക്കാന് താമസക്കാര് കോടതിയെ സമീപിച്ചിട്ടില്ല. അത്തരമൊരു നിയമനടപടി |
|
Full Story
|
|
|
|
|
|
|
| അട്ടപ്പാടി മധു വധക്കേസ്: ഒന്നാം പ്രതി ഹുസൈനെ ഹൈക്കോടതി വെറുതെവിട്ടു |
കൊച്ചി: അട്ടപ്പാടി മധു വധക്കേസില് ഒന്നാം പ്രതി മേച്ചേരില് ഹുസൈനെ ഹൈക്കോടതി വെറുതെവിട്ടു. മണ്ണാര്ക്കാട് പ്രത്യേക കോടതിയുടെ ശിക്ഷാവിധിക്കെതിരെ പ്രതികളും, ശിക്ഷ വര്ധിപ്പിക്കണമെന്നാവശ്യപ്പെട്ട് സംസ്ഥാന സര്ക്കാരും സമര്പ്പിച്ച അപ്പീലുകളിലാണ് ഹൈക്കോടതി ഡിവിഷന് ബെഞ്ചിന്റെ വിധി. കേസിലെ മറ്റ് പ്രതികള് കുറ്റക്കാരാണെന്ന് കോടതി കണ്ടെത്തി. ശിക്ഷ റദ്ദാക്കണമെന്ന 12 പ്രതികളുടെ അപ്പീല് ഹൈക്കോടതി തള്ളി. വിചാരണ കോടതി വെറുതെവിട്ട രണ്ട് പ്രതികളുമായി ബന്ധപ്പെട്ട നടപടിയും കോടതി ശരിവെച്ചതായി റിപ്പോര്ട്ടുകളുണ്ട്. പതിനാറാം പ്രതിക്കെതിരെ കൂടുതല് വകുപ്പുകള് ചുമത്താനും കോടതി തീരുമാനിച്ചിട്ടുണ്ട്. 2018 ഫെബ്രുവരി 22നാണ് അട്ടപ്പാടി മുക്കാലിയില് ആദിവാസി യുവാവായ മധുവിനെ |
|
Full Story
|
|
|
|
|
|
|
| കാസര്കോട് യുവതി ആസിഡ് കുടിച്ച് മരിച്ചു; ഭര്തൃവീട്ടുകാര്ക്കെതിരെ പീഡനാരോപണവുമായി കുടുംബം |
കാസര്കോട്: ഭര്തൃവീട്ടുകാരുടെ മുന്നില്വെച്ച് യുവതി ആസിഡ് കുടിച്ച് ജീവനൊടുക്കിയ സംഭവത്തില് ഗുരുതര ആരോപണങ്ങളുമായി കുടുംബം. ചര്ലടുക്ക സ്വദേശിനി ഫാത്തിമത്ത് സുഫൈദയാണ് മരിച്ചത്. 24 വയസ്സായിരുന്നു. ഭര്തൃവീട്ടുകാരുടെ നിരന്തര പീഡനവും സ്വര്ണവുമായി ബന്ധപ്പെട്ട തര്ക്കവുമാണ് യുവതിയെ ആത്മഹത്യയിലേക്ക് നയിച്ചതെന്നാണ് കുടുംബത്തിന്റെ ആരോപണം. ഇന്നലെ ഉച്ചയ്ക്ക് മൂന്നുമണിയോടെ പാണലത്താണ് സംഭവം നടന്നത്. സുഫൈദയുടെ സ്വര്ണം ആവശ്യപ്പെട്ട് ഭര്ത്താവിന്റെയും വീട്ടുകാരുടെയും ഭാഗത്ത് നിന്ന് സമ്മര്ദ്ദവും മാനസിക പീഡനവും ഉണ്ടായിരുന്നുവെന്ന് കുടുംബം ആരോപിച്ചു. സംഭവത്തില് വിദ്യാനഗര് പൊലീസില് കുടുംബം പരാതി നല്കിയിട്ടുണ്ട്. ഭര്ത്താവ് ആദിലിനെ പൊലീസ് |
|
Full Story
|
|
|
|
|
|
|
| വൈറ്റ് ഹൗസിന് സമീപം വെടിവെപ്പ്; അക്രമിയെ സീക്രട്ട് സര്വീസ് വെടിവെച്ച് കൊലപ്പെടുത്തി |
വാഷിങ്ടണ്: യുഎസ് പ്രസിഡന്റിന്റെ ഔദ്യോഗിക വസതിയായ വൈറ്റ് ഹൗസിന് സമീപം സീക്രട്ട് സര്വീസ് ചെക്ക് പോയിന്റിന് നേരെ വെടിവെച്ച യുവാവിനെ സുരക്ഷാ ഉദ്യോഗസ്ഥര് കൊലപ്പെടുത്തി. മേരിലാന്ഡില് നിന്നുള്ള 21 വയസ്സുകാരന് നസീര് ബെസ്റ്റ് ആണ് കൊല്ലപ്പെട്ടത്. ശനിയാഴ്ച വൈകിട്ട് 17-ാം സ്ട്രീറ്റും പെന്സില്വേനിയ അവന്യൂവിനും സമീപമുള്ള സുരക്ഷാ ചെക്ക് പോയിന്റിലാണ് സംഭവം നടന്നത്. സീക്രട്ട് സര്വീസ് ഉദ്യോഗസ്ഥര്ക്കടുത്തേക്ക് എത്തിയ ബെസ്റ്റ് ബാഗില് നിന്ന് തോക്ക് പുറത്തെടുത്ത് വെടിയുതിര്ക്കുകയായിരുന്നുവെന്നാണ് റിപ്പോര്ട്ട്. പിന്നാലെ സുരക്ഷാ ഉദ്യോഗസ്ഥര് തിരിച്ചുവെടിവെച്ചു. ഗുരുതരമായി പരിക്കേറ്റ ഇയാളെ സമീപത്തെ ആശുപത്രിയിലേക്ക് മാറ്റിയെങ്കിലും ജീവന് |
|
Full Story
|
|
|
|
| |
