കൊച്ചി: അട്ടപ്പാടി മധു വധക്കേസില്‍ ഒന്നാം പ്രതി മേച്ചേരില്‍ ഹുസൈനെ ഹൈക്കോടതി വെറുതെവിട്ടു. മണ്ണാര്‍ക്കാട് പ്രത്യേക കോടതിയുടെ ശിക്ഷാവിധിക്കെതിരെ പ്രതികളും, ശിക്ഷ വര്‍ധിപ്പിക്കണമെന്നാവശ്യപ്പെട്ട് സംസ്ഥാന സര്‍ക്കാരും സമര്‍പ്പിച്ച അപ്പീലുകളിലാണ് ഹൈക്കോടതി ഡിവിഷന്‍ ബെഞ്ചിന്റെ വിധി. കേസിലെ മറ്റ് പ്രതികള്‍ കുറ്റക്കാരാണെന്ന് കോടതി കണ്ടെത്തി. ശിക്ഷ റദ്ദാക്കണമെന്ന 12 പ്രതികളുടെ അപ്പീല്‍ ഹൈക്കോടതി തള്ളി. വിചാരണ കോടതി വെറുതെവിട്ട രണ്ട് പ്രതികളുമായി ബന്ധപ്പെട്ട നടപടിയും കോടതി ശരിവെച്ചതായി റിപ്പോര്‍ട്ടുകളുണ്ട്. പതിനാറാം പ്രതിക്കെതിരെ കൂടുതല്‍ വകുപ്പുകള്‍ ചുമത്താനും കോടതി തീരുമാനിച്ചിട്ടുണ്ട്. 2018 ഫെബ്രുവരി 22നാണ് അട്ടപ്പാടി മുക്കാലിയില്‍ ആദിവാസി യുവാവായ മധുവിനെ

കാസര്‍കോട്: ഭര്‍തൃവീട്ടുകാരുടെ മുന്നില്‍വെച്ച് യുവതി ആസിഡ് കുടിച്ച് ജീവനൊടുക്കിയ സംഭവത്തില്‍ ഗുരുതര ആരോപണങ്ങളുമായി കുടുംബം. ചര്‍ലടുക്ക സ്വദേശിനി ഫാത്തിമത്ത് സുഫൈദയാണ് മരിച്ചത്. 24 വയസ്സായിരുന്നു. ഭര്‍തൃവീട്ടുകാരുടെ നിരന്തര പീഡനവും സ്വര്‍ണവുമായി ബന്ധപ്പെട്ട തര്‍ക്കവുമാണ് യുവതിയെ ആത്മഹത്യയിലേക്ക് നയിച്ചതെന്നാണ് കുടുംബത്തിന്റെ ആരോപണം. ഇന്നലെ ഉച്ചയ്ക്ക് മൂന്നുമണിയോടെ പാണലത്താണ് സംഭവം നടന്നത്. സുഫൈദയുടെ സ്വര്‍ണം ആവശ്യപ്പെട്ട് ഭര്‍ത്താവിന്റെയും വീട്ടുകാരുടെയും ഭാഗത്ത് നിന്ന് സമ്മര്‍ദ്ദവും മാനസിക പീഡനവും ഉണ്ടായിരുന്നുവെന്ന് കുടുംബം ആരോപിച്ചു. സംഭവത്തില്‍ വിദ്യാനഗര്‍ പൊലീസില്‍ കുടുംബം പരാതി നല്‍കിയിട്ടുണ്ട്. ഭര്‍ത്താവ് ആദിലിനെ പൊലീസ്

വാഷിങ്ടണ്‍: യുഎസ് പ്രസിഡന്റിന്റെ ഔദ്യോഗിക വസതിയായ വൈറ്റ് ഹൗസിന് സമീപം സീക്രട്ട് സര്‍വീസ് ചെക്ക് പോയിന്റിന് നേരെ വെടിവെച്ച യുവാവിനെ സുരക്ഷാ ഉദ്യോഗസ്ഥര്‍ കൊലപ്പെടുത്തി. മേരിലാന്‍ഡില്‍ നിന്നുള്ള 21 വയസ്സുകാരന്‍ നസീര്‍ ബെസ്റ്റ് ആണ് കൊല്ലപ്പെട്ടത്. ശനിയാഴ്ച വൈകിട്ട് 17-ാം സ്ട്രീറ്റും പെന്‍സില്‍വേനിയ അവന്യൂവിനും സമീപമുള്ള സുരക്ഷാ ചെക്ക് പോയിന്റിലാണ് സംഭവം നടന്നത്. സീക്രട്ട് സര്‍വീസ് ഉദ്യോഗസ്ഥര്‍ക്കടുത്തേക്ക് എത്തിയ ബെസ്റ്റ് ബാഗില്‍ നിന്ന് തോക്ക് പുറത്തെടുത്ത് വെടിയുതിര്‍ക്കുകയായിരുന്നുവെന്നാണ് റിപ്പോര്‍ട്ട്. പിന്നാലെ സുരക്ഷാ ഉദ്യോഗസ്ഥര്‍ തിരിച്ചുവെടിവെച്ചു. ഗുരുതരമായി പരിക്കേറ്റ ഇയാളെ സമീപത്തെ ആശുപത്രിയിലേക്ക് മാറ്റിയെങ്കിലും ജീവന്‍

ന്യൂഡല്‍ഹി: സ്ത്രീയുടെ സ്വകാര്യദൃശ്യം സമൂഹമാധ്യമത്തില്‍ പ്രചരിപ്പിക്കുമെന്ന് ഭീഷണിപ്പെടുത്തുന്നത് ക്രിമിനല്‍ ഭീഷണിയുടെ പരിധിയില്‍ വരുമെന്ന് സുപ്രീംകോടതി. മദ്രാസ് ഹൈക്കോടതി ശരിവെച്ച ശിക്ഷയ്‌ക്കെതിരെ തമിഴ്‌നാട് സ്വദേശി നല്‍കിയ ഹര്‍ജി തള്ളിക്കൊണ്ടാണ് ജസ്റ്റിസുമാരായ സഞ്ജയ് കരോള്‍, എന്‍.കെ. സിങ് എന്നിവര്‍ ഉള്‍പ്പെട്ട ബെഞ്ചിന്റെ നിരീക്ഷണം. വിവാഹത്തിന് നിര്‍ബന്ധിച്ചാല്‍ കുളിമുറി ദൃശ്യം ഫെയ്‌സ്ബുക്കില്‍ അപ്ലോഡ് ചെയ്യുമെന്നായിരുന്നു പ്രതിയുടെ ഭീഷണി. രണ്ടുവര്‍ഷത്തോളം ബന്ധത്തിലുണ്ടായിരുന്ന യുവതിയും പ്രതിയും തമ്മില്‍ ബന്ധം തകര്‍ന്നതിനെ തുടര്‍ന്നാണ് പരാതി നല്‍കിയത്. വിവാഹവാഗ്ദാനം നല്‍കി പീഡിപ്പിച്ചെന്നാരോപിച്ചും യുവതി പരാതി നല്‍കിയിരുന്നു.

കൊച്ചി: മുഖ്യമന്ത്രി വി.ഡി. സതീശന്റെ സെക്രട്ടറിയായി രത്തന്‍ ഖേല്‍ക്കര്‍ ഐ.എ.എസിനെ നിയമിച്ചതിനെ വിമര്‍ശിച്ച് സി.പി.എം നേതാവും മുന്‍ മന്ത്രിയുമായ പി. രാജീവ്. കേരളത്തില്‍ ചീഫ് ഇലക്ടറല്‍ ഓഫീസറായിരുന്ന ഉദ്യോഗസ്ഥനെ മുഖ്യമന്ത്രിയുടെ സെക്രട്ടറിയായി നിയമിച്ചത് വളരെ ഗൗരവമേറിയ വിഷയമാണെന്നും കോണ്‍ഗ്രസ് ദേശീയ നേതൃത്വം ഇതില്‍ നിലപാട് വ്യക്തമാക്കണമെന്നും പി. രാജീവ് ആവശ്യപ്പെട്ടു. ബംഗാളില്‍ ചീഫ് ഇലക്ടറല്‍ ഓഫീസറായിരുന്ന ഉദ്യോഗസ്ഥനെ ചീഫ് സെക്രട്ടറിയായി നിയമിച്ചതിനെ രാഹുല്‍ ഗാന്ധി നേരത്തെ വിമര്‍ശിച്ചിരുന്നു. ''വലിയ കൊള്ളയ്ക്ക് വലിയ പ്രതിഫലം'' എന്നായിരുന്നു രാഹുലിന്റെ പ്രതികരണമെന്ന് പി. രാജീവ് ചൂണ്ടിക്കാട്ടി. ബംഗാളില്‍ ബി.ജെ.പിയുടെ വലിയ വിജയത്തിന് പിന്നില്‍ വന്‍

കൊച്ചി: അമ്മ സംഘടനയില്‍ നിന്ന് രാജിവെക്കാനുള്ള പ്രധാന കാരണം നടന്‍ ടിനി ടോമാണെന്ന് തുറന്നുപറഞ്ഞ് നടി അന്‍സിബ ഹസന്‍. അഭിപ്രായവ്യത്യാസങ്ങള്‍ മാത്രമല്ല, തനിക്ക് പലരുമായി അവിഹിത ബന്ധമുണ്ടെന്ന തരത്തില്‍ ടിനി ടോം പ്രചരിപ്പിച്ചുവെന്നും അന്‍സിബ ആരോപിച്ചു. തന്റെ പേര് അന്‍സിബ ഹസന്‍ എന്നായതിനാലാണ് തന്നെ ഇത്തരത്തില്‍ മോശമായി ചിത്രീകരിക്കുന്നതെന്നും അവര്‍ ചോദിച്ചു. മതപരമായ അധിക്ഷേപങ്ങളും തനിക്കെതിരെ ഉണ്ടായതായി അന്‍സിബ വ്യക്തമാക്കി. അമ്മയുടെ ജോയിന്റ് സെക്രട്ടറിയായതുമുതല്‍ സംഘടനയിലെ പല കാര്യങ്ങളിലും അഭിപ്രായവ്യത്യാസങ്ങള്‍ പ്രകടിപ്പിച്ചിരുന്നു. എന്നാല്‍ അതിനെ വ്യക്തിപരമായി എടുത്ത് തനിക്കെതിരെ വ്യാജ ആരോപണങ്ങള്‍ ഉന്നയിക്കുകയാണ് ടിനി ടോം ചെയ്തതെന്ന് അന്‍സിബ

കൊല്ലം: സംസ്ഥാന ഭാഗ്യക്കുറി വകുപ്പിന്റെ വിഷു ബംപര്‍ ഒന്നാം സമ്മാനമായ 12 കോടി രൂപ നേടിയ ഭാഗ്യശാലിയെ കണ്ടെത്തി. കരുനാഗപ്പള്ളി സ്വദേശി പൊന്നന്‍ എടുത്ത ടിക്കറ്റിനാണ് ഒന്നാം സമ്മാനം ലഭിച്ചത്. ലോട്ടറി കച്ചവടമാണ് പൊന്നന്റെയും കുടുംബത്തിന്റെയും തൊഴില്‍. വി.ബി. 135452 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനം ലഭിച്ചത്. കൊല്ലം കരുനാഗപ്പള്ളി മണപ്പള്ളിയില്‍ പ്രവര്‍ത്തിക്കുന്ന അമ്മ ലോട്ടറീസില്‍ നിന്നാണ് പൊന്നന്‍ ടിക്കറ്റ് വാങ്ങിയത്.

വില്‍പനയ്ക്കായി ചെറിയ ലോട്ടറികള്‍ ഏജന്‍സിയില്‍ നിന്ന് വാങ്ങിയപ്പോള്‍, അവയ്‌ക്കൊപ്പം തനിക്കായി ഒരു ബംപര്‍ ടിക്കറ്റും വാങ്ങുകയായിരുന്നുെന്ന് പൊന്നന്‍ പറഞ്ഞു. ''എന്റെ ലക്കി നമ്പര്‍ രണ്ടാണ്. രണ്ട്

കോട്ടയം: പുതിയ യു.ഡി.എഫ് മന്ത്രിസഭ അധികാരമേല്‍ക്കുകയും വകുപ്പുവിഭജനം പൂര്‍ത്തിയാകുകയും ചെയ്തതോടെ കെപിസിസിക്ക് പുതിയ പ്രസിഡന്റിനെ കണ്ടെത്താനുള്ള ചര്‍ച്ചകള്‍ക്ക് കോണ്‍ഗ്രസ് നേതൃത്വം തുടക്കം കുറിക്കുന്നു. നിലവിലെ കെപിസിസി പ്രസിഡന്റ് സണ്ണി ജോസഫ് മുഖ്യമന്ത്രി വി.ഡി. സതീശന്‍ നേതൃത്വം നല്‍കുന്ന മന്ത്രിസഭയില്‍ അംഗമായതോടെയാണ് പുതിയ അധ്യക്ഷനെ തിരഞ്ഞെടുക്കേണ്ട സാഹചര്യം രൂപപ്പെട്ടത്. മൂന്ന് വര്‍ക്കിംഗ് പ്രസിഡന്റുമാരില്‍ രണ്ടുപേരും മന്ത്രിമാരായ സാഹചര്യത്തില്‍ സംസ്ഥാന കോണ്‍ഗ്രസ് നേതൃത്വത്തില്‍ വലിയ അഴിച്ചുപണിക്കാണ് ഹൈക്കമാന്‍ഡ് ഒരുങ്ങുന്നത്. പുതിയ വര്‍ക്കിംഗ് പ്രസിഡന്റുമാരെ നിശ്ചയിക്കുന്നതിനൊപ്പം ജില്ലാ കോണ്‍ഗ്രസ് കമ്മിറ്റികളിലും മാറ്റങ്ങള്‍