|
ഭാര്യയുടെ കിടപ്പ് മുറിയിലെ സ്വകാര്യ ദൃശ്യങ്ങള് പകര്ത്തി അശ്ലീല സൈറ്റുകള്ക്ക് വിറ്റെന്ന പരാതിയില് ഭര്ത്താവ് അറസ്റ്റില്. ഏറെ വര്ഷങ്ങളായി യുകെയിലായിരുന്ന ദമ്പതികള് കഴിഞ്ഞ 14നാണ് നാട്ടിലെത്തിയത്. യുകെയില് വച്ചാണ് സ്വകാര്യ ദൃശ്യങ്ങള് അവിടത്തെ അശ്ലീല വെബ് സൈറ്റുകള്ക്ക് ഭര്ത്താവ് കൈമാറിയതെന്ന് യുവതി പറഞ്ഞു. കൊട്ടിയം പൊലീസ് ആണ് അറസ്റ്റ് ചെയ്തത്. നാട്ടിലും വിദേശത്തുമായി കിടപ്പറ ദൃശ്യങ്ങള് ചിത്രീകരിച്ചെന്നായിരുന്നു ഭര്ത്താവിനെതിരായ യുവതിയുടെ പരാതി. ചിത്രീകരണം തടഞ്ഞപ്പോള് ക്രൂരമായി മര്ദ്ദിച്ചെന്നും യുവതി ആരോപിച്ചിരുന്നു.
കൊല്ലത്തെ വിവാദ പങ്കാളി കൈമാറ്റ ദമ്പതികളുമായും ഭര്ത്താവിന് ബന്ധം ഉണ്ടെന്നാണ് വിവരം. നാല് വയസ്സുകാരിയായ മകളുടെ മുന്നില് ലൈംഗിക വൈകൃത്യം കാട്ടിയെന്നും അമ്മയുടെയും മറ്റു സ്ത്രീകളുടെയും സ്വകാര്യ ദൃശ്യങ്ങള് പകര്ത്തി മൊബൈല് ഫോണില് സൂക്ഷിച്ചെന്നും യുവതി പൊലീസിന് മൊഴി നല്കിയിരുന്നു. മകള്ക്ക് കൗണ്സിലിംഗ് നല്കും. ഇതിനിടെ പരാതിക്കാരി ഭര്ത്താവായ പ്രതിക്കെതിരെ വിവാഹമോചന ഹര്ജി നല്കി.
മകള്ക്ക് മുന്നില് ലൈംഗിക വൈകൃതം കാട്ടിയെന്ന പരാതിയില് ഇയാള്ക്കെതിരെ പോക്സോ കേസ് രജിസ്റ്റര് ചെയ്തിട്ടുണ്ട്. പ്രതിക്കെതിരെ പോക്സോ വകുപ്പ് ചുമത്താത്തതില് ഹൈക്കോടതിയെ സമീപിക്കാനായിരുന്നു പരാതിക്കാരിയുടെ തീരുമാനം. ദൃശ്യങ്ങള് ഉള്പ്പെടെ നല്കിയിട്ടും പൊലീസ് പോക്സോ വകുപ്പ് ചുമത്താന് തയ്യാറാവുന്നില്ലെന്ന് പരാതിക്കാരി ആരോപിച്ചിരുന്നു. സമാന ആവശ്യം ഉന്നയിച്ച് സംസ്ഥാന പൊലീസ് മേധാവിയെയും പരാതിക്കാരി സമീപിച്ചിരുന്നു. കുട്ടിയുടെ കൗണ്സിലിംഗ് കഴിഞ്ഞതിന് ശേഷം മൊഴി വീണ്ടും രേഖപ്പെടുത്തിയിട്ട് മാത്രമെ പോക്സോ കേസ് പരിഗണിക്കൂ എന്നായിരുന്നു അന്വേഷണ സംഘം വ്യക്തമാക്കിയത്. പിന്നീടാണ് പോക്സോ ചുമത്തിയത്. |
