നോട്ടിംഗ്ഹാം ആക്രമണത്തിനിരയായവരുടെ മെഡിക്കല്‍ രേഖകള്‍ എന്‍.എച്ച്.എസ് (NHS) ജീവനക്കാര്‍
പരിശോധിച്ചതും, കടുവയുടെ ആക്രമണത്തില്‍ കൊല്ലപ്പെട്ട ഒരാളുടെ കാര്യത്തില്‍ ഉണ്ടായേക്കാവുന്ന വിവരസുരക്ഷാ ലംഘനങ്ങളും 'അങ്ങേയറ്റം ലജ്ജാകരമാണ്' എന്ന് ആരോഗ്യ സെക്രട്ടറി പറഞ്ഞു.
യോര്‍ക്ക്ഷയര്‍ വൈല്‍ഡ്ലൈഫ് പാര്‍ക്കില്‍ വെച്ച് കടുവയുടെ ആക്രമണത്തില്‍ കൊല്ലപ്പെട്ട 24 വയസ്സുകാരന്‍ വില്യം ചാപ്മാന്റെ രേഖകള്‍ ജീവനക്കാര്‍ പരിശോധിച്ചിട്ടുണ്ടാകാമെന്ന് യോര്‍ക്ക്ഷയര്‍ ആംബുലന്‍സ് സര്‍വീസ് അറിയിച്ചു. ഇത്തരം സംഭവങ്ങള്‍ നടന്ന സാഹചര്യങ്ങള്‍ പൂര്‍ണ്ണമായി മനസ്സിലാക്കുന്നതിനായി അന്വേഷണം ആരംഭിച്ചിട്ടുണ്ടെന്ന് അവര്‍ വ്യക്തമാക്കി.
ഡോണ്‍കാസ്റ്ററിന് സമീപമുള്ള പാര്‍ക്കില്‍ കടുവയുടെ കൂട്ടിലേക്ക് കടന്നതിനെത്തുടര്‍ന്ന്, മൃഗവുമായുള്ള സമ്പര്‍ക്കവും അതിനെത്തുടര്‍ന്നുണ്ടായ ഗുരുതരമായ പരിക്കുകളുമാണ് ചാപ്മാന്റെ മരണത്തിന് കാരണമായതെന്ന് അദ്ദേഹത്തിന്റെ മരണവുമായി ബന്ധപ്പെട്ട അന്വേഷണത്തില്‍ (ശിൂൗലേെ) വ്യാഴാഴ്ച വെളിപ്പെട്ടു.

യോര്‍ക്ക്‌ഷെയര്‍ ആംബുലന്‍സ് സര്‍വീസ് എന്‍.എച്ച്.എസ് ട്രസ്റ്റിന്റെ വക്താവ് പുറത്തിറക്കിയ പ്രസ്താവനയില്‍, വിവരങ്ങള്‍ ചോര്‍ന്നേക്കാവുന്ന സാഹചര്യം ചാപ്മാന്റെ കുടുംബത്തിന് അറിയാമായിരുന്നുവെന്ന് വ്യക്തമാക്കി. കൂടാതെ, അദ്ദേഹത്തിന്റെ ബന്ധുക്കള്‍ക്ക് അനുശോചനം അറിയിക്കുകയും ചെയ്തു.


നോട്ടിംഗ്ഹാം യൂണിവേഴ്‌സിറ്റി ഹോസ്പിറ്റല്‍സ് (NUH) എന്‍.എച്ച്.എസ് ട്രസ്റ്റിലെ 15 ജീവനക്കാരെ പിരിച്ചുവിട്ടതായി സ്ഥിരീകരിച്ചതിന് പിന്നാലെയാണ് ഇവെറ്റ് കൂപ്പറിന്റെ പ്രതികരണം വന്നത്. കൂടാതെ, വില്യം ചാപ്മാന്‍ എന്ന വ്യക്തിയുടെ മെഡിക്കല്‍ രേഖകള്‍ അനധികൃതമായി പരിശോധിക്കപ്പെട്ടിരിക്കാമെന്ന് യോര്‍ക്ക്‌ഷെയര്‍ ആംബുലന്‍സ് സര്‍വീസും അറിയിച്ചു.
'ഒരു രോഗിയുടെ മെഡിക്കല്‍ രേഖകള്‍ മതിയായ കാരണമില്ലാതെ പരിശോധിക്കുന്നതിന് യാതൊരു ന്യായീകരണവുമില്ല' എന്ന് എന്‍.യു.എച്ച് (NUH) മെഡിക്കല്‍ ഡയറക്ടര്‍ ഡോ. മന്‍ജീത് ഷെഹ്‌മാര്‍ നേരത്തെ വ്യക്തമാക്കിയിരുന്നു.
ബി.ബി.സിയുടെ 'സണ്‍ഡേ വിത്ത് ലോറ കുന്‍സ്‌ബെര്‍ഗ്' എന്ന പരിപാടിയില്‍ സംസാരിക്കവെ, എന്‍.എച്ച്.എസ് ജീവനക്കാര്‍ രോഗികളോട് 'അര്‍ഹമായ ബഹുമാനം കാണിക്കണം' എന്ന് കൂപ്പര്‍ പറഞ്ഞു.
'ഇക്കാര്യത്തില്‍ എനിക്ക് വ്യക്തമായ നിലപാടുണ്ട്,' അവര്‍ പറഞ്ഞു. 'എന്‍.എച്ച്.എസില്‍ കൃത്യമായ ഡാറ്റാ, സ്വകാര്യതാ മാനദണ്ഡങ്ങള്‍ നിലവിലുണ്ട്.'
2020-ല്‍ 'പാരനോയിഡ് സ്‌കീസോഫ്രീനിയ' (paranoid schizophrenia) എന്ന മാനസികരോഗം സ്ഥിരീകരിക്കപ്പെട്ട വാല്‍ഡോ കാലോകെയ്ന്‍, 2023 ജൂണ്‍ 13-ന് നടത്തിയ ആക്രമണത്തിലാണ് വിദ്യാര്‍ത്ഥികളായ ബാര്‍ണബി വെബ്ബര്‍, ഗ്രേസ് ഓ'മാലി-കുമാര്‍ എന്നിവരും, ഇയാന്‍ കോട്‌സ് എന്ന മുതിര്‍ന്ന വ്യക്തിയും കുത്തേറ്റ് കൊല്ലപ്പെട്ടത്.

ആ സമയത്ത്, ട്രസ്റ്റ് നല്‍കുന്ന തെളിവുകള്‍ യഥാസമയം പരിശോധിക്കുമെന്നും തുടര്‍നടപടികള്‍ ആലോചിക്കുമെന്നും ഐസിഒ (ICO) ബിബിസിയോട് പറഞ്ഞു. അതേസമയം, ഇക്കാര്യത്തില്‍ ക്രിമിനല്‍ അന്വേഷണമൊന്നും നടക്കുന്നില്ലെന്ന് പോലീസ് അറിയിച്ചു.
വെള്ളിയാഴ്ച കൂടുതല്‍ ജീവനക്കാരെ പിരിച്ചുവിട്ടതുമായി ബന്ധപ്പെട്ട വിവരങ്ങള്‍ പങ്കുവെച്ചുകൊണ്ട്, ഡോക്ടര്‍മാര്‍, നഴ്സുമാര്‍, രജിസ്റ്റര്‍ ചെയ്ത മറ്റ് ആരോഗ്യപ്രവര്‍ത്തകര്‍, മറ്റ് ജീവനക്കാര്‍ എന്നിവര്‍ക്കെതിരെ നടപടി സ്വീകരിച്ചതായി എന്‍യുഎച്ച് (NUH) അറിയിച്ചു. നഴ്സിംഗ് ആന്‍ഡ് മിഡ്വൈഫറി കൗണ്‍സില്‍, ജനറല്‍ മെഡിക്കല്‍ കൗണ്‍സില്‍, ഐസിഒ, നോട്ടിംഗ്ഹാംഷയര്‍ പോലീസ് തുടങ്ങിയ സ്വതന്ത്ര നിയന്ത്രണ ഏജന്‍സികളെയും അധികൃതരെയും ഇക്കാര്യം അറിയിച്ചിട്ടുണ്ടെന്നും അവര്‍ വ്യക്തമാക്കി.
ഭാവിയില്‍ രോഗികളുടെ രേഖകള്‍ സംരക്ഷിക്കുന്നതിനും, വിവരങ്ങള്‍ അനധികൃതമായി ആക്സസ് ചെയ്യപ്പെടാന്‍ സാധ്യതയുണ്ടെങ്കില്‍ ട്രസ്റ്റിന് മുന്നറിയിപ്പ് നല്‍കുന്നതിനുമായി ഒരു പുതിയ സംവിധാനം നടപ്പിലാക്കിവരികയാണെന്നും, ഇത് നിലവില്‍ പരീക്ഷണഘട്ടത്തിലാണെന്നും എന്‍യുഎച്ച് കൂട്ടിച്ചേര്‍ത്തു.