മലപ്പുറം താനൂരിലുണ്ടായ ബോട്ടപകടത്തില് മരിച്ചവരുടെ എണ്ണം 18 ആയി. മരിച്ചവരില് അധികവും കുട്ടികളാണെന്നാണ് ലഭ്യമായ വിവരം. ഇതുവരെ 15 പേരെയാണ് രക്ഷപ്പെടുത്താനായത്. ഏതാണ്ട് 5 പേരെക്കൂടിയാണ് ഇനി കണ്ടെത്താനുള്ളത്. 40 പേരാണ് ബോട്ടിലുണ്ടായിരുന്നത്. രക്ഷാപ്രവര്ത്തനം ദുഷ്കരമായി തുടരുകയാണെന്ന് ഫയര്ഫോഴ്സ് മേധാവി ബി. സന്ധ്യ അറിയിച്ചു. ഹൗസ് ബോട്ടായതിനാള് കൂടുതല് ആളുകള് അപകടത്തില്പ്പെട്ടിരിക്കുകയാണ്. ഫയര്ഫോഴ്സിന്റെ നാല് യൂണിറ്റാണ് നിലവില് സ്ഥലത്തുള്ളതെന്നും കൂടുതല് ആളുകളെ ആവശ്യമെങ്കില് എത്തിക്കുമെന്നും ബി. സന്ധ്യ വ്യക്തമാക്കി. ബോട്ടില് ഉള്ക്കൊള്ളാവുന്നതിലും അധികം പേരെ കയറ്റിയെന്ന് പ്രദേശവാസി വെളിപ്പെടുത്തിയിരുന്നു. ഇരുപതോളം പേരെ മാത്രം കയറ്റാവുന്ന ബോട്ടിലാണ് നാല്പത് പേരെ കയറ്റിയത്. രാത്രി നേരമായിട്ടും സഞ്ചാരികള് പലര്ക്കും ലൈഫ് ജാക്കറ്റ് ഇല്ലായിരുന്നുവെന്നും പ്രദേശവാസി പറയുന്നു.