സംസ്ഥാനത്ത് ഇന്ന് ചെറിയ പെരുന്നാള്. 29 ദിവസത്തെ വ്രത ശുദ്ധിയുടെ നാളുകള് പൂര്ത്തിയാക്കിയാണ് ഇസ്ലാം മത വിശ്വാസികള് ചെറിയ പെരുന്നാള് ആഘോഷിക്കുന്നത്. പെരുന്നാള് നമസ്ക്കാരത്തിനായി ഈദ് ഗാഹുകളും മസ്ജിദുകളും ഒരുങ്ങിക്കഴിഞ്ഞു.
പൊന്നാനിയില് മാസപ്പിറ കണ്ടതിനാല് ഇന്ന് ചെറിയ പെരുന്നാള് അയിരിക്കുമെന്ന് പാണക്കാട് സയ്യിദ് സാദിഖലി ശിഹാബ് തങ്ങളും പാളയം ഇമാം വി പി ഷുഹൈബ് മൗലവിയും അറിയിച്ചിരുന്നു. റമദാനില് കൈവരിച്ച ആത്മവിശുദ്ധിയുടെ കരുത്തുമായാണ് വിശ്വാസികള് ചെറിയ പെരുന്നാളിലേക്ക് പ്രവേശിക്കുന്നത്. തിങ്കളാഴ്ച മാസപ്പിറ ദൃശ്യമാകാത്തതിനെ തുടര്ന്ന് ഒമാന് ഒഴികെയുള്ള ഗള്ഫ് രാജ്യങ്ങളില് ചെറിയപെരുന്നാള് ബുധനാഴ്ചയാണെന്ന് കഴിഞ്ഞ ദിവസം പ്രഖ്യാപിച്ചിരുന്നു. യുഎഇ, സൗദി, കുവൈത്ത്, ഖത്തര്, ബഹ്റൈന് എന്നിവിടങ്ങളിലെല്ലാം ബുധനാഴ്ച പെരുന്നാള് ആഘോഷിക്കും. |