ബുള്ളറ്റിനെ പ്രതിഷ്ഠയാക്കി ആരാധിക്കുന്ന ക്ഷേത്രമുണ്ട് ഇന്ത്യയില്. രാജസ്ഥാനിലാണ് ഈ ക്ഷേത്രം. 'ഓം ബന്ന' അഥവ 'ബുള്ളറ്റ് ബാബ' എന്നാണ് വിശ്വാസികള് ബുള്ളറ്റ് ദൈവത്തെ വിളിക്കുന്നത്. ദിവസവും നൂറുകണക്കിന് ഗ്രാമീണര് ഇവിടെയെത്തി ആരാധന നടത്താറുണ്ട്.350സിസി റോയല് എന്ഫീല്ഡ് ബുള്ളറ്റിനെ ആരാധിക്കുന്ന ഒരു ക്ഷേത്രമുണ്ട് ഇന്ത്യയില്. രാജസ്ഥാനിലെ ജോധ്പൂരിനടുത്ത് ഛോട്ടില എന്ന ഗ്രാമത്തിലാണ് ബുള്ളറ്റ് ദൈവമായി ആരാധിക്കപ്പെടുന്നത്.
ജോധ്പൂരിലെത്തുന്ന പല വിനോദ സഞ്ചാരികളും ബുള്ളറ്റ് ബാബയെ കുമ്പിടാതെ ഈവഴി കടന്നുപോകാറില്ല. പൂക്കള്, കര്പ്പൂരം എന്നിങ്ങനെ വേണ്ട ബിയര് കൊണ്ടും ബുള്ളറ്റില് അഭിഷേകം ചെയ്യാറുണ്ട്. ബുള്ളറ്റിന് മുകളിലൂടെ ബിയര് ഒഴിച്ച് അഭിഷേകം നടത്തിയാല് ബുള്ളറ്റ് ബാബയെ പ്രീതിപ്പെടുത്താം എന്നാണ് ആരാധകരുടെ വിശ്വാസം.
1991 മുതലാണ് എന്ഫീല്ഡ് ബുള്ളറ്റില് ദൈവാംശം ഉള്ളതായി കണ്ടെത്തി ആരാധന നടത്താന് തുടങ്ങിയത്. |