2017ലെ നടി ആക്രമിക്കപ്പെട്ട കേസില് നടന് ദിലീപിന് വീണ്ടും തിരിച്ചടി. കുറ്റകൃത്യത്തിന്റെ ദൃശ്യങ്ങള് അടങ്ങിയ മെമ്മറി കാര്ഡ് കോടതിയുടെ ചെസ്റ്റില് ഇരിക്കവേ ഹാഷ് വാല്യൂ മാറ്റിയത് സംബന്ധിച്ച് ജില്ലാ സെഷന്സ് ജഡ്ജി നടത്തിയ അന്വേഷണ റിപ്പോര്ട്ടിന്റെ പകര്പ്പ് അതിജീവിതക്ക് കൈമാറാന് ഹൈക്കോടതിയുടെ നിര്ദേശം.
അന്വേഷണ റിപ്പോര്ട്ടിന്റെ പകര്പ്പ് ആവശ്യപ്പെട്ട് പരാതിക്കാരി കോടതിയെ സമീപിച്ചതിനെ തുടര്ന്ന് ജസ്റ്റിസ് കെ. ബാബുവാണ് ഹര്ജി സ്വീകരിച്ചത്. ജനുവരി ആദ്യം തന്നെ അന്വേഷണം പൂര്ത്തിയായി. ഒരു മെമ്മറി കാര്ഡിന്റെ ഉള്ളടക്കം വ്യത്യസ്ത ഉപകാരണങ്ങളില് തുറന്നു പരിശോധിക്കുമ്പോള് ഹാഷ് വാല്യൂ മാറുന്നു. |