അനധികൃത സ്വത്ത് സമ്പാദന കേസില്‍ മുന്‍ മന്ത്രിയും തൃപ്പൂണിത്തുറ എംഎല്‍എയുമായ കെ.ബാബുവിന്റെ സ്വത്തുക്കള്‍ ഇഡി കണ്ടുകെട്ടി. 25. 82 ലക്ഷം രൂപയുടെ സ്വത്തുക്കളാണ് കണ്ടുകെട്ടിയത്. മന്ത്രിയായിരുന്ന കാലയളവില്‍ വരവില്‍ കവിഞ്ഞ സ്വത്തു സമ്പാദിച്ചെന്ന പരാതിയിലാണ് നടപടി. ഇ ഡി നടപടിയുടെ വിശദാംശങ്ങള്‍ അറിഞ്ഞ ശേഷം പ്രതികരിക്കാം എന്നായിരുന്നു ഇത് സംബന്ധിച്ചുള്ള ചോദ്യങ്ങളോട് കെ ബാബുവിന്റെ മറുപടി. ഇതേ സംഭവത്തില്‍ വിജിലന്‍സും ബാബുവിനെതിരെ കേസെടുത്ത് എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്. നേരത്തെ കൊച്ചിയിലെ ഓഫിസില്‍ വിളിച്ചുവരുത്തി കെ.ബാബുവിനെ ഇഡി ചോദ്യംചെയ്തിരുന്നു.