ലണ്ടന്‍: ബ്രിട്ടനിലെ ജനങ്ങള്‍ക്കിടയില്‍ മദ്യപാന ശീലം ഗണ്യമായി കുറഞ്ഞതായി പുതിയ പഠന റിപ്പോര്‍ട്ടുകള്‍ വ്യക്തമാക്കുന്നു. മുപ്പത്തഞ്ചു വര്‍ഷത്തെ കണക്കുകള്‍ പരിശോധിക്കുമ്പോള്‍ രാജ്യത്ത് നിലവില്‍ ഏറ്റവും കുറഞ്ഞ അളവിലാണ് മദ്യപാനം.

ഗവേഷണ സ്ഥാപനമായ IWSR പ്രസിദ്ധീകരിച്ച കണക്കുകള്‍ പ്രകാരം, കഴിഞ്ഞ വര്‍ഷം ഒരു ബ്രിട്ടിഷ് പൗരന്‍ ആഴ്ചയില്‍ ശരാശരി 10.2 ഡ്രിങ്കുകള്‍ മാത്രമാണ് കഴിച്ചത്. രണ്ട് പതിറ്റാണ്ട് മുമ്പ് ഇത് 14 ഡ്രിങ്കുകളായിരുന്നു. പ്രായമായവരുടെ എണ്ണം വര്‍ധിച്ചതും, ആരോഗ്യ സംരക്ഷണത്തെക്കുറിച്ചുള്ള പുതിയ തലമുറയുടെ അവബോധവും, കൂടാതെ ഉയര്‍ന്നുവരുന്ന ജീവിതച്ചെലവ് മൂലം പബ്ബുകളിലും റസ്റ്ററന്റുകളിലും പോകുന്നത് കുറയുന്നതുമാണ് ഈ

ലണ്ടന്‍: അനധികൃത കുടിയേറ്റക്കാരെയും വിദേശ ക്രിമിനലുകളെയുംതിരെയുള്ള നടപടികള്‍ കടുപ്പിക്കുന്ന ബ്രിട്ടന്‍, സഹകരിക്കാത്ത രാജ്യങ്ങള്‍ക്ക് വീസ വിലക്ക് പ്രഖ്യാപിച്ചു. ഹോം സെക്രട്ടറി ഷബാന മഹ്‌മൂദിന്റെ നേതൃത്വത്തിലാണ് ട്രംപിന്റെ മാതൃകയില്‍ വിദേശ രാജ്യങ്ങളെ സമ്മര്‍ദ്ദത്തിലാക്കുന്ന നടപടി ആരംഭിച്ചത്.

ഡെമോക്രാറ്റിക് റിപ്പബ്ലിക് ഓഫ് കോംഗോ (ഡി.ആര്‍.സി)യാണ് ബ്രിട്ടന്റെ പുതിയ നടപടിക്ക് ഇരയായ ആദ്യ രാജ്യം. അനധികൃതമായി ബ്രിട്ടനിലെത്തിയ കുടിയേറ്റക്കാരെ തിരികെ സ്വീകരിക്കാത്ത പക്ഷം അവിടെനിന്നുള്ള എല്ലാ വീസ അപേക്ഷകളുടെയും പ്രോസസിങ് നിര്‍ത്തലാക്കുമെന്ന മുന്നറിയിപ്പും നടപടിയും ഷബാന മഹ്‌മൂദ് പ്രഖ്യാപിച്ചു.

ലണ്ടന്‍: ആഗോളതലത്തില്‍ യുദ്ധഭീഷണികള്‍ വര്‍ധിക്കുന്ന സാഹചര്യത്തില്‍ രാജ്യരക്ഷയ്ക്കായി യുവജനങ്ങളെ സജ്ജരാക്കാന്‍ ബ്രിട്ടിഷ് പ്രതിരോധ മന്ത്രാലയം പുതിയ 'ഗ്യാപ് ഇയര്‍' (Gap Year) സൈനിക പരിശീലന പദ്ധതി പ്രഖ്യാപിച്ചു. 25 വയസ്സില്‍ താഴെയുള്ള യുവാക്കള്‍ക്കായി രൂപകല്‍പ്പന ചെയ്തിരിക്കുന്ന ഈ പൈലറ്റ് പ്രോജക്റ്റ് 2026 മാര്‍ച്ചില്‍ ആരംഭിക്കും.

സൈനിക ജീവിതം പരിചയപ്പെടുത്തുന്നതിനൊപ്പം അച്ചടക്കവും പ്രായോഗിക നൈപുണ്യങ്ങളും വളര്‍ത്തുകയാണ് പദ്ധതിയുടെ ലക്ഷ്യം. ആദ്യഘട്ടത്തില്‍ 150 പേരെയാണ് പരിശീലനത്തിനായി തിരഞ്ഞെടുക്കുന്നത്. തിരഞ്ഞെടുക്കപ്പെടുന്നവര്‍ക്ക് ശമ്പളത്തോടു കൂടിയ രണ്ട് വര്‍ഷത്തെ പ്ലേസ്മെന്റാണ് ആര്‍മിയില്‍ ലഭിക്കുക. റോയല്‍

ലണ്ടന്‍: ജോലിസ്ഥലത്ത് വംശീയ വിവേചനവും അന്യായമായ പിരിച്ചുവിടലും നേരിട്ടുവെന്ന് കണ്ടെത്തിയതിനെ തുടര്‍ന്ന് ഇന്ത്യന്‍ പൗരന് യുകെ തൊഴില്‍ ട്രൈബ്യൂണല്‍ 66,800 പൗണ്ട് (ഏകദേശം 81 ലക്ഷം രൂപ) നഷ്ടപരിഹാരം നല്‍കാന്‍ ഉത്തരവിട്ടു. തമിഴ്നാട് സ്വദേശിയായ മധേഷ് രവിചന്ദ്രനാണ് നഷ്ടപരിഹാരം ലഭിച്ചത്.

നെക്സസ് ഫുഡ്സ് ലിമിറ്റഡിലെ എല്ലാ ജീവനക്കാരും തൊഴിലിടങ്ങളിലെ വിവേചനം സംബന്ധിച്ച പരിശീലനത്തിന് വിധേയരാകണമെന്ന് ട്രൈബ്യൂണല്‍ ശുപാര്‍ശ ചെയ്തു.

2023 ജനുവരിയില്‍ വെസ്റ്റ് വിക്ക്ഹാമിലെ കമ്പനിയില്‍ ജോലിയില്‍ പ്രവേശിച്ച മധേഷ്, മാനേജര്‍ 'അടിമ' എന്ന് വിളിക്കുന്നതടക്കമുള്ള വംശീയ അധിക്ഷേപങ്ങള്‍ നേരിട്ടതായി

ലണ്ടന്‍: രാജ്യത്തുടനീളമുള്ള കാര്‍ മോഷണം തടയുന്നതിനായി പ്രത്യേക പോലീസ് യൂണിറ്റ് രൂപീകരിക്കണമെന്ന ആവശ്യം ശക്തമാകുന്നു. കഴിഞ്ഞ വര്‍ഷം മുക്കാല്‍ ഭാഗത്തിലധികം കേസുകള്‍ പരിഹരിക്കപ്പെടാതെ പോയതായി പുതിയ കണക്കുകള്‍ വെളിപ്പെടുത്തുന്നു.

ഹൗസ് ഓഫ് കോമണ്‍സ് ലൈബ്രറിയുടെ വിശകലനപ്രകാരം 2024-25 സാമ്പത്തിക വര്‍ഷത്തില്‍ ഇംഗ്ലണ്ടിലും വെയില്‍സിലുമായി 1,21,825 മോട്ടോര്‍ വാഹനങ്ങള്‍ മോഷ്ടിക്കപ്പെട്ടു. ഇതില്‍ ഏകദേശം 92,958 കേസുകള്‍ പ്രതിയെ തിരിച്ചറിയാതെ അവസാനിപ്പിക്കപ്പെട്ടു.

പരിഹരിക്കപ്പെടാത്ത കേസുകളുടെ ഏറ്റവും ഉയര്‍ന്ന അനുപാതം മെട്രോപൊളിറ്റന്‍ പോലീസിലാണ് രേഖപ്പെടുത്തിയിരിക്കുന്നത്. ലണ്ടനില്‍

ലണ്ടന്‍: കുടിയേറ്റ വിരുദ്ധ നിലപാടുകളും ജോലിയിടത്തെ വംശീയതയും കാരണം എന്‍എച്ച്എസിലെ വിദേശ ഡോക്ടര്‍മാരും നഴ്സുമാരും കടുത്ത നിരാശയിലും ആശങ്കയിലുമാണ്. വിദേശ മെഡിക്കല്‍ ജീവനക്കാരുടെ രാജിവയ്ക്കല്‍ വര്‍ധിച്ചുവരുന്നതായാണ് റിപ്പോര്‍ട്ട്.

സര്‍ക്കാരിന്റെ കുടിയേറ്റ നയവും തൊഴിലിടത്തെ വംശീയതയും പലരിലും നിരാശ സൃഷ്ടിക്കുന്നുവെന്ന് അക്കാദമി ഓഫ് മെഡിക്കല്‍ റോയല്‍ കോളജസിന്റെ നേതൃത്വം വ്യക്തമാക്കി. യുകെയെ വംശീയ രാജ്യമാക്കി കാണുന്ന സാഹചര്യം ഉണ്ടാകുന്നുവെന്നും മുന്നറിയിപ്പ് നല്‍കി.

കഴിഞ്ഞ വര്‍ഷത്തെ കണക്കുകള്‍ പ്രകാരം വിദേശ മെഡിക്കല്‍ ജീവനക്കാരുടെ വരവ് കാര്യമായി കുറഞ്ഞിട്ടുണ്ട്.

ലണ്ടന്‍: യുകെയില്‍ നാടുകടത്താന്‍ കാത്തിരിക്കുന്ന വിദേശ കുറ്റവാളികള്‍ക്കും അനധികൃത കുടിയേറ്റക്കാര്‍ക്കും അത്യാധുനിക ആരോഗ്യ സേവനങ്ങള്‍ നല്‍കാന്‍ ഡോക്ടര്‍മാര്‍ക്ക് വന്‍ ശമ്പളം വാഗ്ദാനം ചെയ്തതിനെ തുടര്‍ന്ന് രാഷ്ട്രീയ വിവാദം. ഇമിഗ്രേഷന്‍ സെന്ററുകളില്‍ സേവനമനുഷ്ഠിക്കുന്ന ഡോക്ടര്‍മാര്‍ക്ക് പ്രതിവര്‍ഷം 1,35,000 പൗണ്ട് (ഏകദേശം 1.45 കോടി രൂപ) വരെയാണ് ശമ്പളമായി നല്‍കുന്നത്. ബ്രിട്ടനിലെ നാഷനല്‍ ഹെല്‍ത്ത് സര്‍വീസില്‍ (NHS) ജോലി ചെയ്യുന്ന ഡോക്ടര്‍മാരുടെ ശരാശരി ശമ്പളത്തേക്കാള്‍ ഇരട്ടിയോളം കൂടുതലാണിത്.

NHS-ല്‍ ജോലി ചെയ്യുന്ന ഒരു ജനറല്‍ പ്രാക്ടീഷണറുടെ ശരാശരി ശമ്പളം 79,000 പൗണ്ടാണ്. എന്നാല്‍ കുടിയേറ്റ കേന്ദ്രങ്ങളില്‍ കരാര്‍

ലണ്ടന്‍/ന്യൂഡല്‍ഹി: സാമ്പത്തിക കുറ്റകൃത്യങ്ങളില്‍പ്പെട്ട ശേഷം വിദേശത്തേക്ക് കടന്നുകളഞ്ഞവരെ തിരിച്ചുകൊണ്ടുവരാനുള്ള എല്ലാ നടപടികളും കേന്ദ്രസര്‍ക്കാരിന്റെ ഭാഗത്തുനിന്നുണ്ടാകുമെന്ന് വിദേശകാര്യ മന്ത്രാലയ വക്താവ് രണ്‍ധീര്‍ ജയ്സ്വാള്‍ വ്യക്തമാക്കി. ഇതുസംബന്ധിച്ച് വിവിധ രാജ്യങ്ങളുമായി ചര്‍ച്ചകള്‍ നടന്നുകൊണ്ടിരിക്കുകയാണെന്നും അദ്ദേഹം കൂട്ടിച്ചേര്‍ത്തു.

ഇന്ത്യ വിട്ട് ലണ്ടനില്‍ ആഡംബര ജീവിതം നയിക്കുന്ന ലളിത് മോദിയും വിജയ് മല്യയും ചേര്‍ന്നുള്ള വിഡിയോ ശ്രദ്ധ നേടിയതിനു പിന്നാലെയാണ് വിദേശകാര്യ മന്ത്രാലയത്തിന്റെ പ്രതികരണം. ഐപിഎല്‍ സ്ഥാപകന്‍ ലളിത് മോദിയാണ് മല്യയുടെ ജന്മദിന പാര്‍ട്ടിയില്‍ പങ്കെടുത്തപ്പോഴത്തെ വിഡിയോ