കൊച്ചിയില്‍ പട്ടാപ്പകല്‍ തോക്ക് ചൂണ്ടി വന്‍ കവര്‍ച്ച. കുണ്ടന്നൂരിലെ സ്റ്റീല്‍ വില്‍പ്പന കേന്ദ്രത്തില്‍ നിന്നാണ് 80 ലക്ഷം കവര്‍ന്നത്. മുഖംമൂടി ധരിച്ചെത്തിയ ആറംഗ സംഘമാണ് കവര്‍ച്ച നടത്തിയത്. വടുതല സ്വദേശിയായ സജി എന്നയാളെ പൊലീസ് കസ്റ്റഡിയില്‍ എടുത്തു. ഇന്ന് ഉച്ചയ്ക്ക് മൂന്നരയോടെയായിരുന്നു സംഭവം. കവര്‍ച്ച സംഘത്തിലെ രണ്ടുപേരാണ് ആദ്യം കാറില്‍ സ്ഥലത്ത് എത്തുന്നത്. പിന്നീടാണ് നാല് പേര്‍ കൂടിയെത്തി പണം കവര്‍ന്നത്. പൊലീസ് കസ്റ്റഡിയില്‍ ഉള്ള ഒരാളെ പൊലീസ് ചോദ്യം ചെയ്യുകയാണ്.കൂടുതല്‍ പരിശോധനകള്‍ നടന്നുവരികയാണ്.

ക്രൈസ്തവ ദേവാലയത്തിലെ തിരുക്കര്‍മങ്ങളുടെ സമയത്ത് ദേവാലയത്തില്‍ വീഡിയോ അല്ലെങ്കില്‍ ഫോട്ടോ എടുക്കുന്നവര്‍ ക്രൈസ്തവ വിശ്വാസികളാകുന്നതാണ് അഭികാമ്യമെന്ന് താമരശ്ശേരി രൂപത. താമരശ്ശേരി ബിഷപ് മാര്‍ റെമിജിയോസ് ഇഞ്ചനാനിയിലാണ് നിര്‍ദ്ദേശം നല്‍കിയത്. 'ദൈവാലയ തിരുക്കര്‍മങ്ങള്‍-ഫോട്ടോഗ്രാഫേഴ്സിനുള്ള നിര്‍ദേശങ്ങള്‍' എന്ന തലക്കെട്ടിലുള്ള അറിയിപ്പിലാണ് നിര്‍ദേശങ്ങളുള്ളത്. 'തിരുക്കര്‍മങ്ങളുടെ സമയത്ത് ദൈവാലയത്തില്‍ വീഡിയോ അല്ലെങ്കില്‍ ഫോട്ടോ എടുക്കുന്നവര്‍ ക്രൈസ്തവ വിശ്വാസികളാകുന്നതാണ് കൂടുതല്‍ അഭികാമ്യം. അക്രൈസ്തവരാണെങ്കില്‍ വിശുദ്ധ കുര്‍ബാനയെക്കുറിച്ചും തിരുക്കര്‍മങ്ങളുടെ പവിത്രതയെക്കുറിച്ചും അറിവുള്ളവരായിരിക്കണം', എന്നാണ് നിര്‍ദേശത്തില്‍ പറയുന്നത

തുലാമാസ പൂജയുടെ അവസാന ദിവസമാണ് രാഷ്ട്രപതി സന്ദശനം നടത്തുന്നത്. 22ന് ഉച്ചയ്ക്ക് രാഷ്ട്രപതി നെടുമ്പാശ്ശേരിയില്‍ എത്തും. തുടര്‍ന്ന് നിലയ്ക്കലില്‍ തങ്ങിയ ശേഷം വൈകിട്ടോടെയാകും ശബരിമലയില്‍ ദര്‍ശനത്തിനെത്തുക. അന്ന് രാത്രി തന്നെ മലയിറങ്ങി തിരുവനന്തപുരത്ത് എത്തും. ഒക്ടോബര്‍ 22 മുതല്‍ 24 വരെ രാഷ്ട്രപതി കേരളത്തിലുണ്ടാകും.തുലാമാസ പൂജകള്‍ക്കായി ഒക്ടോബര്‍ 16നാണ് ശബരിമല നട തുറക്കുന്നത്.

കേന്ദ്ര ആഭ്യന്തര മന്ത്രി അമിത് ഷായെ അവഗണിച്ച് വിജയ്. വിജയ്യെ ഫോണില്‍ ബന്ധപ്പെടാന്‍ ശ്രമിച്ചു. താത്പര്യമില്ലെന്ന് വിജയ് മറുപടി നല്‍കി. കരൂര്‍ ദുരന്തത്തിന് പിന്നാലെയാണ് അമിത് ഷാ വിജയ് യെ ബന്ധപ്പെടാന്‍ ശ്രമിച്ചതെന്നാണ് സൂചന. ദുരന്തത്തിന്റെ പിറ്റേന്ന് അമിത് ഷായുടെ ഓഫീസ് ബന്ധപ്പെട്ടു.

വിജയ്യുടെ അച്ഛന്‍ ചന്ദ്രശേഖറും സിനിമാമേഖലയിലെ ചിലരും വഴിയാണ് ബന്ധപ്പെട്ടത്. ഇരുവരും തമ്മില്‍ ഫോണ്‍ സംഭാഷണത്തിന് വഴിയൊരുക്കാന്‍ ആവശ്യപ്പെട്ടു. ടിവികെയുടെ മുതിര്‍ന്ന നേതാക്കളുമായി ബന്ധപ്പെട്ടു. എന്നാല്‍ അമിത് ഷായോട് സംസാരിക്കാന്‍ താല്പര്യമില്ലെന്ന് വിജയ് പ്രതികരിച്ചു. അതേസമയം വിജയ് യുടെ അടുത്ത രണ്ടാഴ്ചത്തെ പരിപാടികള്‍ മാറ്റി. ഔദ്യോഗിക അറിയിപ്പുമായി TVK രംഗത്തെത്തി.

കുപ്രസിദ്ധ മോഷ്ടാവ് തീവെട്ടി ബാബു പൊലീസ് കസ്റ്റഡിയില്‍ നിന്ന് ചാടിപ്പോയി. പരിയാരം മെഡിക്കല്‍ കോളജില്‍ നിന്നാണ് ബാബു രക്ഷപെട്ടത്. മണിക്കൂറുകള്‍ക്കകം ഇയാളെ പൊലീസ് പിടികൂടിയിരുന്നു.
സംഭവത്തില്‍ രണ്ട് പൊലീസ് ഉദ്യോഗസ്ഥര്‍ക്ക് സസ്‌പെന്‍ഷന്‍. റൂറല്‍ ഹെഡ് ക്വാര്‍ട്ടേഴ്‌സിലെ സീനിയര്‍ സിപിഒ ജിജിന്‍, സിപിഒ ഷിനില്‍ എന്നിവര്‍ക്കെതിരെ ആണ് നടപടി. റൂറല്‍ എസ്പിയുടേതാണ് നടപടി.

ദേഹാസ്വാസ്ഥ്യത്തെ തുടര്‍ന്ന് ആശുപത്രിയില്‍ എത്തിച്ചപ്പോഴാണ് ബാബു രക്ഷപ്പെട്ടത്. പയ്യന്നൂരിലെ മോഷണ കേസില്‍ പിടിയിലായ ബാബുവിനെ ആരോഗ്യ പ്രശ്‌നങ്ങള്‍ പ്രകടിപ്പിച്ചതിനെ തുടര്‍ന്നാണ് പരിയാരം ഗവ മെഡിക്കല്‍ കോളജില്‍ പ്രവേശിപ്പിച്ചത്. പൊലീസുകാരുടെയും ആശുപത്രി ജീവനക്കാരുടെയും കണ്ണ് കണ്ണുവെട്ടിച്ച് ബാബു

2026 ജനുവരി മുതല്‍ പുതിയ നായ നികുതി നിലവില്‍ വരുമെന്നും നഗര ഭരണാധികാരികള്‍ അറിയിച്ചു.
ടൂറിസ്റ്റുകളെ നിയന്ത്രിക്കുന്നതിനാണ് പുതിയ നികുതിയെന്ന് ബോല്‍സാനോ നഗര ഭരണാധികാരികള്‍ പറയുന്നു. സന്ദര്‍ശകരായ നായകളുടെ ഉടമകള്‍ ഒരു ദിവസത്തേക്ക് 1.50 യൂറോ (ഏകദേശം156 രൂപ) നികുതിയായി നല്‍കണം. ഡോലമൈറ്റ് മലനിരകളിലേക്കുള്ള കവാടമായ ബോല്‍സാനോയില്‍ നായകള്‍ക്ക് ഏര്‍പ്പെടുത്തിയ കര്‍ശന നിയന്ത്രണങ്ങളുടെ ഭാഗമാണ് പുതിയ നികുതി.
ബോല്‍സാനോയിലെ നായ ഉടമകളും ഒരു നായയ്ക്ക് വര്‍ഷം 100 യൂറോ നികുതിയായി നല്‍കണം. തെരുവുകള്‍ വൃത്തിയാക്കുന്നതിനുള്ള ചെലവുകള്‍ക്കായും, നായകള്‍ക്കും അവയുടെ ഉടമസ്ഥര്‍ക്കും മാത്രമായി പുതിയ പാര്‍ക്കുകള്‍ നിര്‍മ്മിക്കാനും വേണ്ടിയാണ് ഈ നികുതി എന്നാണ് അധികൃതര്‍ പറയുന്നത്.

മള്‍ട്ടിപ്ലക്സുകളില്‍ പുറത്തുനിന്നുള്ള ഭക്ഷണ പാനീയങ്ങള്‍ അനുവദനീയമല്ലെങ്കില്‍ സൗജന്യ കുടിവെള്ള ലഭ്യത ഉറപ്പാക്കണമെന്ന് ഉപഭോക്തൃ കോടതിയുടെ ഉത്തരവ്. കൊച്ചിയിലെ പിവിആര്‍ സിനിമാസിനാണ് എറണാകുളം ജില്ലാ ഉപഭോക്തൃ തര്‍ക്ക പരിഹാര കോടതിയുടെ നിര്‍ദേശം. കോഴിക്കോട് സ്വദേശിയായ ശ്രീകാന്ത് നല്‍കിയ പരാതിയിലാണ് കോടതിയുടെ ഇടപെടല്‍. (court asked multiplex theatres to assure free water to all)

പുറത്തുനിന്ന് ഭക്ഷണപാനീയങ്ങള്‍ കയറ്റാന്‍ സമ്മതിക്കാതിരിക്കുകയും സൗജന്യമായി കുടിവെള്ളം നല്‍കാതിരിക്കുകയും ചെയ്യുന്നത് തിയേറ്റര്‍ ഉടമകളുടെ വീഴ്ചയായി കണക്കാക്കി നടപടിയെടുക്കും എന്നുള്‍പ്പെടെ ഉത്തരവില്‍ പറയുന്നുണ്ട്. 2022 ഏപ്രിലില്‍ കൊച്ചിയിലെ ഒരു പ്രമുഖ ഷോപ്പിംഗ് മാളില്‍ പരാതിക്കാരന്‍ സിനിമ കാണാനെത്തുകയും പുറത്തുനിന്ന് പാനീയം കയറ്റിയത്

ഹിന്ദു ആചാരപ്രകാരം യുക്രേനിയന്‍ സ്വദേശികളായ യുവതിയും 72കാരനും വിവാഹിതരാകുന്ന വീഡിയോ ഇന്റര്‍നെറ്റില്‍ വൈറലായിരിക്കുകയാണ്. എന്‍ഡിടിവി രാജസ്ഥാന്‍ റിപ്പോര്‍ട്ട് അനുസരിച്ച്, നാല് വര്‍ഷത്തെ ലിവിങ്-ഇന്‍ റിലേഷന്‍ഷിപ്പിന് ശേഷമാണ് സ്റ്റാനിസ്ലാവും (72), അന്‍ഹെലിനയും (27) പരമ്പരാഗത ആചാരങ്ങളിലൂടെ ഒന്നിക്കാന്‍ തീരുമാനിച്ചത്. ജയ്പൂരും ഉദയ്പൂരും പരിഗണിച്ചിരുന്നെങ്കിലും, ഒടുവില്‍ അവര്‍ വിവാഹത്തിനായി ജോധ്പൂര്‍ തിരഞ്ഞെടുക്കുകയായിരുന്നു.
വീഡിയോയില്‍, വരന്‍ ഷെര്‍വാണിയും തലപ്പാവും ധരിച്ചപ്പോള്‍, വധു പരമ്പരാഗത മര്‍വാരി വസ്ത്രമാണ് തിരഞ്ഞെടുത്തത്. സുഹൃത്തുക്കളും നാട്ടുകാരും പങ്കെടുത്ത വിവാഹ ചടങ്ങുകള്‍ ഒരു ഹോട്ടലില്‍ വെച്ചാണ് നടന്നത്. റിപ്പോര്‍ട്ടുകള്‍ പ്രകാരം, രാവിലെ നടന്ന ഹല്‍ദി ചടങ്ങോടെയാണ്