|
ഡോക്ടറുടെ കുറിപ്പടിയില്ലാതെ മരുന്നുകള് നല്കുന്നത് ഗുരുതരമായ ആരോഗ്യ പ്രശ്നങ്ങള് സൃഷ്ടിക്കുമെന്നുള്ളതിനാല് ഇത്തരം വ്യാപാരികള്ക്കെതിരെ കര്ശന നടപടികള് സ്വീകരിക്കാന് ഡ്രഗ്സ് കണ്ട്രോളര്ക്ക് നിര്ദേശം നല്കിയതായും മന്ത്രി വ്യക്തമാക്കി.
കൊറോണ വൈറസ് ബാധയെ തുടര്ന്ന് ആരോഗ്യ രംഗത്ത് സംജാതമായിട്ടുള്ള പ്രതിസന്ധി ഘട്ടത്തില് ചില മെഡിക്കല് സ്റ്റോറുകള് ഡോക്ടറുടെ കുറിപ്പടിയില്ലാതെ പനി, ചുമ, ജലദോഷം, തൊണ്ടവേദന എന്നീ രോഗാവസ്ഥകള്ക്ക് മരുന്നുകള് നല്കി വരുന്നതായി വ്യാപകമായി പരാതി ലഭിച്ചതിനെത്തുടര്ന്നാണ് നടപടി. ആരോഗ്യ സാമൂഹ്യനീതി വകുപ്പ് മന്ത്രിയുടെ ഓഫീസ് പുറത്തിറക്കിയ വാര്ത്താകുറിപ്പിലാണ് നിര്ദേശം. |
