ഇസ്രായേലില് ഷെല്ലാക്രമണത്തില് കൊല്ലപ്പെട്ട സൗമ്യയുടെ മൃതദേഹം നാട്ടിലെത്തിക്കാനുള്ള നടപടികള് സംസ്ഥാന സര്ക്കാര് സ്വീകരിച്ചെന്ന് മുഖ്യമന്ത്രി പിണറായി വിജയന്.
ഇസ്രായേലിലെ ഇന്ത്യന് അംബാസിഡര് സജ്ജീവ് കുമാറുമായി നോര്ക്കയുടെ പ്രിന്സിപ്പല് സെക്രട്ടറി ഇളങ്കോവന് ബന്ധപ്പെട്ടു.
സൗമ്യയുടെ അകാല വിയോഗത്തില് കുടുംബത്തിന് ആശ്വാസമേകാനാവും വിധം നഷ്ടപരിഹാരം നേടിയെടുക്കാന് നടപടിയെടുക്കണമെന്നും ആവശ്യപ്പെട്ടു. കുടുബത്തിന്റെയും സുഹൃത്തുക്കളുടെയും ദുഖത്തില് പങ്കുചേരുന്നെന്നും മുഖ്യമന്ത്രി പറഞ്ഞു.
ഇസ്രായേലിലെ അഷ്ക ലോണില് കഴിഞ്ഞ പത്തുവര്ഷമായി കെയര് ഗീവറായി ജോലി ചെയ്യുകയായിരുന്നു സൗമ്യ കഴിഞ്ഞ ദിവസം നടന്ന ഷെല്ലാക്രമണത്തിലാണ് കൊല്ലപ്പെട്ടത്.
ഇടുക്കി കീരിത്തോട് സ്വദേശി സൗമ്യ അഷ്ക ലോണില് താമസിച്ചിരുന്ന അപ്പാര്ട്ട്മെന്റിലേക്ക് ഹമാസിന്റെ റോക്കറ്റ് പതിക്കുകയായിരുന്നു. 2017 ല് ആണ് അവസാനമായി സൗമ്യ നാട്ടിലെത്തിയത്. സൗമ്യയുടെ ഭര്ത്താവും മകനും നാട്ടിലാണ്. |