ശ്രീനിവാസന്‍ പതുക്കെ മടങ്ങിയെത്തുന്നത് ഏറെ ആശ്വാസത്തോടെയും സന്തോഷത്തോടെയുമാണ് മലയാളികള്‍ കണ്ടത്. ഒരു കുടുംബാംഗത്തോടുള്ള സ്നേഹമാണ് നടനും തിരക്കഥാകൃത്തുമായ ശ്രീനിവാവസന് മലയാളികള്‍ നല്‍കുന്നത്. തങ്ങളുടെ പ്രിയപ്പെട്ട നടനെയും കഥാകാരനെയും വീണ്ടും വെള്ളിത്തിരയില്‍ കാണാനുള്ള കാത്തിരിപ്പിലാണ് മലയാളികള്‍.

ഇപ്പോള്‍ ശ്രീനിവാസനൊപ്പമുള്ള ചിത്രങ്ങള്‍ പങ്കുവെച്ചു കൊണ്ട് നടി സ്മിനു സിജോ ഇന്‍സ്റ്റാഗ്രാമില്‍ പങ്കുവെച്ച കുറിപ്പാണ് ശ്രദ്ധേയമാവുന്നത്. അദ്ദേഹം ഇപ്പോള്‍ പൂര്‍ണ ആരോഗ്യവാനാണെന്നും ഇനി എഴുതാന്‍ പോകുന്ന തിരക്കഥയെ പറ്റി വളരെയധികം സംസാരിച്ചുവെന്നുമാണ് താരം പറയുന്നത്.

ശ്രീനിയേട്ടന്റെ തിരിച്ചുവരവിനായി പ്രാര്‍ത്ഥിച്ച എല്ലാവര്‍ക്കും സന്തോഷിക്കാനാണ് താന്‍ ഈ ചിത്രം പങ്കുവയ്ക്കുന്നതെന്ന് സൂചിപ്പിച്ചുകൊണ്ടുള്ള ഒരു കുറിപ്പും സ്മിനു സിജോ ഇന്‍സ്റ്റഗ്രാമില്‍ പങ്കുവയ്ക്കുന്നുണ്ട്. ഇളയ മകനായ ധ്യാന്‍ ശ്രീനിവാസന്‍ തന്റെ വൈറല്‍ അഭിമുഖങ്ങളില്‍ പറയുന്ന തമാശകള്‍ ഓര്‍ത്തെടുത്ത് ശ്രീനിവാസന്‍ പൊട്ടിച്ചിരിച്ചെന്നും താരം ഇന്‍സ്റ്റഗ്രാമില്‍ കുറിച്ചു.