മുഖ്യമന്ത്രിയുടെ യൂറോപ്യന് സന്ദര്ശനത്തിന് തുടക്കം. ഇന്നലെ വൈകീട്ടോടെയാണ് മുഖ്യമന്ത്രിയും സംഘവും നോര്വെയിലെത്തിയത്. നോര്വെയിലെ ഇന്ത്യന് സ്ഥാനപതി ഡോക്ടര് ബാലഭാസ്കര് മുഖ്യമന്ത്രിയെ സ്വീകരിച്ചു. മന്ത്രിമാരായ പി.രാജീവും വി.അബ്ദുറഹിമാനും മുഖ്യമന്ത്രിയ്ക്കൊപ്പമുണ്ട്. ഇന്ന് നോര്വെ ഫിഷറീസ്മന്ത്രിയുമായി മുഖ്യമന്ത്രി ചര്ച്ച നടത്തും.
നോര്വെയിലെ വ്യാപാര സമൂഹവുമായും കൂടിക്കാഴ്ച നിശ്ചയിച്ചിട്ടുണ്ട്. ഫിന്ലന്ഡിലെ വിദ്യാഭ്യാസ പരിഷ്ക്കാരങ്ങള് പഠിക്കുകയാണ് യാത്രയുടെ പ്രധാനലക്ഷ്യം. ഈ മാസം 13 വരെയാണ് വിവിധ രാജ്യങ്ങളിലെ സന്ദര്ശനം. ഫിന്ലന്ഡ്, നോര്വേ, ഇംഗളണ്ട്, വെയ്ല്സ് എന്നിവിടങ്ങളാണ് മുഖ്യമന്ത്രി പിണറായി വിജയനും സംഘവും സന്ദര്ശിക്കുന്നത്.
ബ്രിട്ടന് സന്ദര്ശനത്തില് ആരോഗ്യ മന്ത്രി വീണ ജോര്ജാകും മുഖ്യമന്ത്രി പിണറായി വിജയന് ഒപ്പം ഉണ്ടാകുക.ലണ്ടനില് മുഖ്യമന്ത്രിയുടെ അധ്യക്ഷതയില് ലോക കേരളസഭയുടെ പ്രാദേശിക യോഗം വിളിച്ചു ചേര്ക്കും. സന്ദര്ശനത്തില് വീഡിയോ കവറേജ് ഉണ്ടാകും. ഇന്ത്യന് എംബസി മുഖേനെ 7 ലക്ഷം രൂപ ചെലവിട്ട് വീഡിയോ കാമറ സംഘത്തെ ഇതിനായി നിയോഗിച്ചിട്ടുണ്ട്. 13 ന് മന്ത്രിസഭാ യോഗത്തില് ഓണ്ലൈനായി മുഖ്യമന്ത്രി പങ്കെടുക്കും. |