|
വിദേശ രാജ്യങ്ങളില് കോവിഡ് കേസുകള് വര്ധിച്ച സാഹചര്യത്തില് സംസ്ഥാനത്തും പ്രതിരോധ പ്രവര്ത്തനങ്ങള് ഊര്ജിതമാക്കുമെന്ന് മുഖ്യമന്ത്രി. ആശങ്കപ്പെടേണ്ട സാഹചര്യം നിലവിലില്ല. പനി ജലദോഷം എന്നിവയുള്ളവര് രോഗത്തെ അവഗണിക്കരുതെന്നും കൃത്യമായി ചികിത്സ തേടണമെന്നും അദ്ദേഹം പറഞ്ഞു. റാപ്പിഡ് റെസ്പോണ്സ് ടീം ആരോഗ്യമന്ത്രിയുടെ നേതൃത്വത്തില് യോഗം ചേരുമെന്നും മുഖ്യമന്ത്രി പറഞ്ഞു.
ചൈനയില് വീണ്ടും കോവിഡ് വ്യാപനത്തിന് കാരണമായ വകഭേദം ഇന്ത്യയില് സ്ഥിരീകരിച്ച വാര്ത്തക്ക് പിന്നാലെയാണ് മുഖ്യമന്ത്രി ഇത് സംബന്ധിച്ച നിര്ദേശം നല്കിയത്. മൂന്ന് കേസുകളാണ് നിലവില് രാജ്യത്ത് റിപ്പോര്ട്ട് ചെയ്തത്.ഒമിക്രോണ് വകഭേദങ്ങളായ ബിഎഫ്. 7 ആണ് സ്ഥിരീകരിച്ചത്.
ഗുജറാത്തില് രണ്ട് കേസും ഒഡീഷയില് ഒരു കേസുമാണ് സ്ഥിരീകരിച്ചത്. അമേരിക്കയില് നിന്നെത്തിയ ഗുജറാത്ത് സ്വദേശിയായ 61കാരിയാണ് രോഗം സ്ഥിരീകരിച്ചവരില് ഒരാള്. അതിവേഗവ്യാപനമാണ് വകഭേദത്തിന്റെ പ്രത്യേകതയെന്ന് വിദഗ്ദര് വിലയിരുത്തുന്നു. പനി, ചുമ എന്നിവയാണ് പ്രധാന ലക്ഷണങ്ങള്. |
