വയറിലെ ഹെര്ണിയയ്ക്കുള്ള ശസ്ത്രക്രിയക്ക് ഫ്രാന്സിസ് മാര്പാപ്പയെ ഇന്ന് വിധേയനാക്കും. ഫ്രാന്സിസ് മാര്പാപ്പയെ റോമിലെ ജെമെല്ലി ആശുപത്രിയില് പ്രവേശിപ്പിച്ചിരിക്കുകയാണ്. ശസ്ത്രക്രിയ്ക്ക് ശേഷം കുറച്ച് ദിവസങ്ങള് ഫ്രാന്സിസ് മാര്പാപ്പ ആശുപത്രിയില് തന്നെ താമസിക്കേണ്ടി വരും .
2021-ല് വന്കുടലിലെ ശസ്ത്രക്രിയയ്ക്ക് ഫ്രാന്സിസ് മാര്പാപ്പയെ വിധേയനായിട്ടുണ്ട്. 86-കാരനായ പാപ്പയെ ജനറല് അനസ്തേഷ്യ നല്കി ലാപ്രോട്ടമിയിലൂടെ ശസ്ത്രക്രിയ്ക്ക് വിധേയനാക്കുന്നതിനാണ് തീരുമാനം. വയറിലെ അറയില് ശസ്ത്രക്രിയയിലൂടെ മുറിവുണ്ടാക്കുന്നതാണ് ലാപ്രോട്ടമി.
ആരോഗ്യപ്രശ്നങ്ങളുണ്ടെങ്കിലും പൊന്തിഫിക്കല് അധികാരങ്ങള് മാര്പാപ്പ തന്നെ വഹിക്കുമെന്ന് വത്തിക്കാന് അറിയിച്ചു. |