ഗവര്ണര് ആരിഫ് മുഹമ്മദ് ഖാനെതിരെ എസ്എഫ്ഐയുടെ കരിങ്കൊടി പ്രതിഷേധം. ഗോ ബാക്ക് മുദ്രാവാക്യം ഉയര്ത്തിയെത്തിയ എസ്എഫ്ഐ പ്രവര്ത്തകര് ഗവര്ണര് ആരിഫ് മുഹമ്മദ് ഖാനെതിരെ കരിങ്കൊടി കാണിക്കുകയായിരുന്നു. 'ആര്എസ്എസ് ഗവര്ണര് ഗോബാക്ക്' എന്ന മുദ്രാവാക്യം ഉയര്ത്തിയാണ് പ്രതിഷേധം.കാറില് നിന്ന് പുറത്തിറങ്ങി ക്ഷുഭിതനായ ഗവര്ണര് രൂക്ഷ ഭാഷയില് പ്രതികരിച്ചു. മുഖ്യമന്ത്രിക്കെതിരെ രൂക്ഷ വിമര്ശനം ഗവര്ണര് ഉയര്ത്തി. വിമാനത്താവളത്തിലേക്കുള്ള യാത്രക്കിടെയായിരുന്നു പ്രതിഷേധം.
'മുതിര്ന്ന പൊലീസ് ഉദ്യോഗസ്ഥര് എവിടെ? ഈ ഗുണ്ടകളാണോ ഭരിക്കുന്നത്. ക്രിമിനലുകള്. മുഖ്യമന്ത്രിയുടെ പാര്ട്ടിയാണ് ഗുഢാലോചനയ്ക്ക് പിന്നില്. കാര് ആക്രമിക്കുന്നതാണോ ജനാധിപത്യം. അവര് മുഖ്യമന്ത്രിയുടെ കാര് ആക്രമിക്കുമോ. കണ്ണൂരില് ചെയ്തതുപോലെ എന്നെ ശാരീരികമായി ആക്രമിക്കാന് മുഖ്യമന്ത്രി ഗൂഢാലോചന നടത്തിയതാണ് ഈ പ്രതിഷേധം. മുഖ്യമന്ത്രിയുടെ നിര്ദേശ പ്രകാരമാണിത്. ക്രിമിനലുകളെ വെച്ചുപൊറുക്കില്ല. ജനങ്ങള്ക്ക് എന്തു സുരക്ഷയാണുള്ളത്. റോഡ് ഭരിക്കാന് ഒരു ക്രിമിനലുകളെയും ഞാന് അനുവദിക്കില്ല. ' ഗവര്ണര് രൂക്ഷഭാഷയില് പ്രതികരിച്ചു. |