വിസ്മയ കേസില് 10 വര്ഷം കഠിന തടവിനു ശിക്ഷിക്കപ്പെട്ട് പൂജപ്പുര സെന്ട്രല് ജയിലിലെത്തിയ കിരണ് കുമാറിന് അധികൃതര് നല്കിയത് എട്ടാം നമ്പര് ബ്ലോക്കിലെ അഞ്ചാം നമ്പര് സെല്. ജയിലിലെ നമ്പര് 5018. സെല്ലില് കിരണ് കുമാര് മാത്രമാണുള്ളത്.
കൊല്ലം ജില്ലാ ജയിലിലായിരുന്ന കിരണ് കുമാറിനെ ബുധനാഴ്ച രാവിലെയാണ് പൂജപ്പുരയിലെ സെന്ട്രല് ജയിലിലെത്തിച്ചത്. നേരത്തേ വിചാരണഘട്ടത്തില് കുറച്ചു നാള് പൂജപ്പുര സെന്ട്രല് ജയിലില് കഴിഞ്ഞിട്ടുണ്ട്. സ്ത്രീധന മരണത്തിന്റെ പേരിലാണ് (ഐപിസി 304 ബി) കൂടിയ ശിക്ഷയായ 10 വര്ഷം കഠിന തടവ്. വിധിക്കെതിരെ ഹൈക്കോടതിയെ സമീപിക്കാനൊരുങ്ങുകയാണ് കിരണിന്റെ കുടുംബം. 2021 ജൂണ് 21നാണ് സ്ത്രീധനപീഡനത്തെ തുടര്ന്ന് ഭര്ത്താവിന്റെ വീട്ടില് വിസ്മയ ജീവനൊടുക്കിയത്. |