രുദ്രാക്ഷം ഓരോ മുഖവും ഓരോ ദേവന്മാരെയാണു പ്രതിനിധീകരിക്കുന്നത് എന്നും ഓരോ ഗ്രഹങ്ങള്ക്കും ഓരോ രുദ്രാക്ഷം ഉണ്ടെന്നുമാണ് വിശ്വാസം. അതുപോലെ ഓരോന്നിനും വ്യത്യസ്തമായ ഫലങ്ങള് ആണ് ഉണ്ടാവുക. രുദ്രാക്ഷം എല്ലാവര്ക്കും ധരിക്കാം. ഏത് പ്രായക്കാര്ക്കും ധരിക്കാം. വിശ്വാസത്തോടെയും അല്ലാതെയും ആഭരണമായും ധരിക്കാം.
ഒരു മുഖം - നേത്രരോഗങ്ങള്, തലവേദന, ഉദരരോഗം, ഹൃദ്രോഗം, ശ്വാസകോശ രോഗങ്ങള് എന്നിവ ശമിപ്പിക്കുന്നു. ശിവനാണ് ദേവത. സൂര്യനാണ് ഗ്രഹം. സൂര്യദശാ കാലത്തും അപഹാരങ്ങളിലും ഉണ്ടാകുന്ന ദുരിതങ്ങള് കുറയ്ക്കാന് നല്ലതാണ്.
രണ്ടു മുഖം - വൃക്കരോഗം, മനോരോഗം, ശിരോരോഗം, ഉദരരോഗം എന്നിവ ശമിപ്പിക്കും. ശിവനും പാര്വ്വതിയുമാണ് ദേവത. ചന്ദ്രനാണ് ഗ്രഹം. ചന്ദ്രദശാകാലം, ചന്ദ്രദശാപഹാരകാല ദുരിതങ്ങള് എന്നിവ ഒഴിവാകാന് നല്ലത്.
മൂന്നു മുഖം - രക്തം, ശിരസ്സ്, കഴുത്ത്, ചെവി, ലൈംഗിക രോഗങ്ങള് മുതലായവ ശമിപ്പിക്കും. അഗ്നിയാണ് ദേവത, ചൊവ്വയാണ് ഗ്രഹം. ദശാകാലം മെച്ചമാകാനും ചൊവ്വാദോഷത്തിന് പരിഹാരമായും ധരിക്കുന്നു.
നാലു മുഖം- പഠനപുരോഗതിക്കും നല്ല ബുദ്ധിയുണ്ടാകാനും നന്ന്. തളര്വാതം, മഞ്ഞപിത്തം, നാഡീരോഗങ്ങള് എന്നിവ ഇല്ലാതാക്കും. ബ്രഹ്മാവാണ് ദേവത. ബുധനാണ് ഗ്രഹം, ബുധദശാകാലവും അപഹാരങ്ങളും ഗുണകരമാകാനും നന്ന്.
അഞ്ചു മുഖം - വൃക്കരോഗം, കര്ണരോഗം, പ്രമേഹം എന്നിവ കുറയ്ക്കും. ശിവനാണ് ദേവത. ഗ്രഹം വ്യാഴമാണ്. വ്യാഴ ദശാകാലം മെച്ചമാകാനും സന്താന ഭാഗ്യത്തിനും ഇത് നന്ന്. സുലഭമായി കിട്ടുന്ന ഈ രുദ്രാക്ഷം എല്ലാവര്ക്കും ധരിക്കാം.
ആറു മുഖം - സംഗീതം, നൃത്തം തുടങ്ങിയ രംഗങ്ങളില് ശോഭിക്കാന് നല്ലത്. തൊണ്ട രോഗം, ഗര്ഭാശയരോഗം എന്നിവ ശമിപ്പിക്കും. സുബ്രഹ്മണ്യനാണ് ദേവത, ശുക്രനാണ് ഗ്രഹം. ശുക്രദശാകാലം മെച്ചമാകാനും നല്ല ദാമ്പത്യ ജീവിതത്തിനും ഇത് നല്ലതാണ്.
ഏഴ് മുഖം - വാതം, അസ്ഥിവേദന, ഉദരരോഗങ്ങള് എന്നിവ ശമിപ്പിക്കും, കാമനാണ് ദേവത, ശനിയാണ് ഗ്രഹം, ശനിദോഷ പരിഹാരമായും, ദശാപഹാരങ്ങളും, ഏഴരശനി, കണ്ടകശനി എന്നിവയ്ക്കും പരിഹാരമാണ്. യോഗ, ധ്യാനം എന്നിവയ്ക്കും നന്ന്.
എട്ടു മുഖം - ത്വക്ക്രോഗം, ശ്വാസകോശ രോഗം എന്നിവയ്ക്ക് പരിഹാരം. വിനായകനാണ് ദേവത. രാഹുവാണ് ഗ്രഹം. രാഹു ദശാകാലം മെച്ചമാകാനും ഗ്രഹദോഷ പരിഹാരമായും ഇത് ധരിക്കാം.
ഒന്പത് മുഖം - ശ്വാസകോശരോഗങ്ങള്, അലര്ജി, ഉദരരോഗം, ത്വക്ക്രോഗം എന്നിവയ്ക്ക് പരിഹാരമാണ്. ഭൈരവനാണ് ദേവത. കേതുവാണ് ഗ്രഹം. കേതു ദശാപഹാരം മെച്ചമാകാന് ഇതു നല്ലതാണ്.
പത്ത് മുഖം - എല്ലാ ഗ്രഹങ്ങളേയും സ്വാധീനിക്കുന്നു . അതിനാല് സകല ഗ്രഹങ്ങള്ക്കും പരിഹാരം. പിശാച്, പ്രേതം മുതലായവ ഒന്നും അടുത്തു വരികയില്ല. ജനാര്ദനനാണ് ദേവത.
പതിനൊന്ന് മുഖം - ആയിരം അശ്വമേധവും, നൂറ് യജ്ഞവും ചെയ്ത പുണ്യം ലഭിക്കും. ധ്യാനം ശീലിക്കുന്നവര്ക്ക് ഏറെ നല്ലത്. രുദ്രനാണ് ദേവത.
പന്ത്രണ്ട് മുഖം - ഒരു മുഖം തരുന്ന അതേ ഗുണങ്ങള് ഈ രുദ്രാക്ഷവും നല്കും. ആധിയും വ്യാധിയും ഉണ്ടാകില്ല. ദ്വാദശാദിത്യനാണ് ദേവത. ഗ്രഹം സൂര്യനാണ്.
പതിമൂന്ന് മുഖം - ആറ് മുഖത്തിനും ഇതിനും ഒരേ ഫലമാണ്. കാര്ത്തികേയനാണ് ദേവത. സര്വ്വാഭീഷ്ടങ്ങളും സാധിക്കും. ശുക്രനാണ് ഗ്രഹം.
പതിനാല് മുഖം - ഏഴുമുഖത്തിന്റെ തന്നെ ഗുണമമാണ് ഇതിനും ഉണ്ടാവുക. പരമശിവനാണ് ദേവത. ശനിയെയാണ് ഇതു പ്രതിനിധീകരിക്കുന്നത്.
