തിരുവനന്തപുരം: ബലാത്സംഗക്കേസില് കോണ്ഗ്രസിന്റെ നിയമസഭാംഗം എല്ദോസ് കുന്നപ്പിള്ളിക്കു മുന്കൂര് ജാമ്യം. മറ്റന്നാള് അന്വേഷണ ഉദ്യോഗസ്ഥര്ക്കു മുന്നില് ഹാജരാവണം എന്ന വ്യവസ്ഥയോടെയാണ് തിരുവനന്തപുരം അഡീഷണല് സെഷന്സ് കോടതി ജാമ്യം അനുവദിച്ചത്.എല്ദോസ് സംസ്ഥാനം വിട്ടുപോവരുത്, ഫോണും പാസ്പോര്ട്ടും ഹാജരാക്കണം തുടങ്ങിയ വ്യവസ്ഥകളും കോടതി മുന്നോട്ടുവച്ചിട്ടുണ്ട്. ഉത്തരവ് പുറപ്പെടുവിക്കും മുമ്പ് തന്റെ ഭാഗം കൂടി കേള്ക്കണമെന്ന് ആവശ്യപ്പെട്ട് പരാതിക്കാരിയും കോടതിയില് ഹര്ജി നല്കിയിരുന്നു. ഇതിന്റ അടിസ്ഥാനത്തില് രാവിലെ കോടതി ഇവരുടെ വാദം കേട്ടു.
അധ്യാപികയുടെ പരാതിയില് രജിസ്റ്റര്ചെയ്ത കേസില് എല്ദോസിനെതിരെ വധശ്രമത്തിനുള്ള വകുപ്പും ഉള്പ്പെടുത്തയിട്ടുണ്ട്. കോവളത്തെ ആത്മഹത്യാ പോയന്റിന് സമീപത്തുവെച്ച് കൊല്ലാന് ശ്രമിച്ചുവെന്ന മൊഴിയിലാണിത്.അതിനിടെ കോണ്ഗ്രസ് നല്കിയ കാരണം കാണിക്കല് നോട്ടീസില് എല്ദോസ് മറുപടി നല്കി. താന് നിരപരാധിയെന്നും ബലാത്സംഗക്കേസ് കെട്ടിച്ചമച്ചതാണെന്നുമാണ് എല്ദേസ് കുന്നപ്പിള്ളി വിശദീകരണത്തില് പറയുന്നത്. കേസ് രാഷ്ട്രീയ പ്രേരിതമാണ്. പാര്ട്ടി അച്ചടക്കനടപടി സ്വീകരിക്കും മുന്പ് തന്റെ ഭാഗം കൂടി കേള്ക്കാന് തയ്യാറാവണമെന്ന് എല്ദോസ് കെപിസിസിക്ക് നല്കിയ വിശദികരണത്തില് പറയുന്നു. വക്കീല് മുഖേനയൊണ് എല്ദോസ് വിശദീകരണം നല്കിയത്.