പ്രളയത്തെ നോക്കീ വിതുമ്പീ, പ്രജകള്ക്കു വേണ്ടി കരഞ്ഞൂ - മന്ത്രി സജി ചെറിയാനെ പുകഴ്ത്തിയ വീട്ടമ്മയുടെ പാട്ട് വൈറലായി
Text By: Team ukmalayalampathram
മന്ത്രിയെ സാക്ഷിയാക്കി ചെങ്ങന്നൂര് ഉമയാറ്റുകര സ്വദേശിനി ഗീത രാമചന്ദ്രനാണ് കവിത ചൊല്ലിയത്. ഗീത തന്നെയാണ് പാട്ട് എഴുതിയതും.
സാംസ്കാരിക വകുപ്പിന്റെയും വാസ്തുവിദ്യാ ഗുരുകുലത്തിന്റെയും സഹായത്തോടെ ആരംഭിച്ച കളിമണ് കരകൗശല നിര്മാണ വിപണന കേന്ദ്രമായ മുത്താരമ്മ ഗ്രാമീണ കലാകേന്ദ്രത്തിന്റെ ഉദ്ഘാടന ചടങ്ങിലായിരുന്നു മന്ത്രിയെ പുകഴ്ത്തിയുള്ള വീട്ടമ്മയുടെ ഗാനാലാപനം.
പ്രളയകാലത്ത് ഉള്പെടെ ചെങ്ങന്നൂര് എംഎല്എ കൂടിയായ സജി ചെറിയാന് നടത്തിയ ഇടപെടലുകളെ പുകഴ്ത്തിയായിരുന്നു പാട്ട്. മന്ത്രിയെ ജനസേവകന്, അഭിമാന താരം, ചെങ്ങന്നൂരിന്റെ അഭിലാഷം, കര്മയോദ്ധാവ്, രണവീരന്, ജന്മനാടിന്റെ രോമാഞ്ചം, കണ്കണ്ട ദൈവം, കാവലാള്, ജനമന്ത്രി, സന്തോഷതാരം തുടങ്ങിയ വാക്കുകള് കൊണ്ട് വിശേഷിപ്പിച്ചാണ് കവിത പുരോഗമിക്കുന്നത്.